اولوب یارالی گوگل جام عشق مخموری
باشیمدا وار ایکی باب الحوائجین شوری
گوگل قوشی دولانور گاه او قانلی صحراده
گهی گئدور گوزی یاشلی دیار بغداده
بیرینون آدی ابوالفضل عزیز حیدردور
ایکیمجینون آدی موسی آتاسی جعفردور
بونون وجودینی گر بند بند ائدوب شمشیر
اونوندا بوینونی کسمیشدی حلقهٔ زنجیر
بو جنگ ائدوب یخیلوب شیر تک نیستاندا
او جان وئروبدی ولی ذلتیله زنداندا
بو جان وئرنده شه کربلانی سسلردی
او جان وئرنده بالاسی رضانی سسلردی
دوتوب مدینیه یوز محنت و ملالیله
دیردی ئوز ئوزینه بو زبان حالیله
زبانحال باب الحوائج امام کاظم (ع) به حضرت امام رضا (ع)
یتیشوب موسم هجران گل اوغول جان وئرورم
زهر ائدوب گوگلیمی آلقان گل اوغول جان وئرورم
وئردی بو زهر جفا حالیمه تغییر ئولورم
آه شبگیریم ائدر عالمه تأثیر ئولورم
اینجیدور بوینومی بو حلقه ی زنجیر ئولورم
گل آچ آسوده وئروم جان گل اوغول جان وئرورم
غملریم موجه گلوب یاده دوشوبدور وطنیم
سارالوب گل یوزوم آخر اَرییوبدی بدنیم
نه آچان وار قاپومی بیر نه گلوب نه گئدنیم
قالمیشام بیکس و نالان گل اوغول جان وئرورم
منه بیر ظلم ائلدی سند جفاکار و دنی
نالیه گتدی بهشت ایچره آنام فاطمه نی
دویمادی زهر وئرندن صورا چوخ ووردی منی
ایلدی گوزیاشیمی قان گل اوغول جان وئرورم
سینه سین یونگول ائدرلر بالا هر جان وئره نین
یغمیشام سینمه زنجیری من زار و حزین
دونیرم صاق صولا حسرتله نه بیر یار و معین
بیر نفر یوخدی مسلمان گل اوغول جان وئرورم
یوخدی معصومه دییدیم اونا گیزلین سؤزیمی
نه باجیم نه حرمیم باغلیاجاق کیم گوزومی
باری سن گل ئولورم قبلیه دؤندر یوزیمی
پُر اسف حالیمه باخ یان گل اوغول جان وئرورم
اون بیر ایلدور بدنیم بوته ی غمده اَرییوب
سس چکوب آغلامیشام عالمی نالم بوریوب
مسکنیم بسکه رطوبتدی وجودیم چوریوب
اولمیشام گل کیمی خندان گل اوغول جان وئرورم
اثر زهر جفا رعشه سالوب پیکریمه
اود سالوب محنت غربت دل پر اخگریمه
گل ولی ائتمه خبر عترت غم پروریمه
قزلاریم ائتمسون افغان گل اوغول جان وئرورم
جان وئرنده آتا ئوز اوغلونی گوزلر نگران
اوغلی باشین آلار آغوشه که راحت وئره جان
جدیمون حالینه یاننام ائدرم شور و فغان
کربلاده دئدی هر آن گل اوغول جان وئرورم
#گریز به شهادت امام حسین علیه السلام #قتلگاه
هر گلن یاره ویراردی یارالی پیکرینه
دگمه میشدی سو ولی اوچ گونیدی لبلرینه
یوز دوتوب نعشی قوم اوستونده قالان اکبرینه
دئدی ای قانینه غلطان گل اوغول جان وئرورم
یاتما چوخ گون قاباقیندا بئله ایمن یارالی
آتاوی دوره لیوب گورنجه دشمن یارالی
گل قویاخ یوز یوزه بیر سن یارالی من یارالی
سن سوسوز منده لب عطشان گل اوغول جان وئرورم
جان وئرنده سن علی من باشون آلدیم دیزیمه
وای اوغول وای دیوب آغلاردیم اوغول ئوز ئوزیمه
ایمدی گل جان وئرورم گل یوزیوی قوی یوزیمه
یارالی جانوه قربان گل اوغول جان وئرورم
ای(کریمی)بو نه وحشتدی بو نه واهمه دی
گُنهون چوخدی ولی باخ گور امیدون کیمه دی
بو حسین بن علی جان و دل فاطمه دی
ایله بو کلمه نی عنوان گل اوغول جان وئرورم
- یکشنبه
- 11
- فروردین
- 1398
- ساعت
- 15:14
- نوشته شده توسط
- ابوالفضل عابدی پور
ارسال دیدگاه