ای مزار پاکیوه قربان اولا زینب آنا
خانمان حیدری چرخ ایلدی ویران آنا
شام محنتدن یزید اوغلون حسینون قتلینه
شوم و بی پروا ولیده گوندروب فرمان آنا
اهل کوفه قیلدی برهم زینبون جمعیّتین
دربدر قیلدی بلاکش زینبی دوران آنا
هر غم و دردیم اولاندا چون گلوردوم قبریوه
ایلیردوم گوز یاشیلا دردیمه درمان آنا
بیر علاج ائت کربلاده نه پیمبر وار نه سن
نیلییم گورسم حسینی قانینه غلطان آنا
نیلییم زینت وئرنده من علیِّ اکبره
نیلییم قاسم اولاندا قانینه غلطان آنا
نیلییم گورسم کفنسیز جسم پاکین روی خاک
نیلییم عباس اولاندا زینت میدان آنا
ـــــــــــ
عرض ایلدی آنا هامی مصیبت لریم بیر طرفه ، اما بو مصیبتیمده بیر طرفه :
سرشک چشم توکر قارداشیم به نالۀ شور
گهی کفن گوتورور گاه سدریله کافور
گهی دییر منه غم جامینی گرک ایچه سن
علیّ اکبریمون قدّینه کفن بیچه سن
- دوشنبه
- 12
- فروردین
- 1398
- ساعت
- 17:44
- نوشته شده توسط
- ابوالفضل عابدی پور
ارسال دیدگاه