شعبان آینون تجلیاتی اهل زمنه مبارک اولسون
باخ جلوه لنن بش آفتابه یاز پنج تنه مبارک اولسون
بو جلوه نین اوَّلی حسیندی عباس ایکمجی ماه دیندی
اوچومنجی امام ساجدیندی چارم علی اکبر متیندی
پنجم گل گلشن یقیندی مهدی دی امام متقیندی
پخش اولدی بیر آیدا بش گل عطری به به چمنه مبارک اولسون
شعبان آیی گلدی یار گلدی گلشن گل آچوب بهار گلدی
اوچ مونجی گونی نگارگلدی عاشقلره شهریار گلدی
دوردونده قمر عذار گلدی عباس علی وقار گلدی
سلطاندی حسین وزیر ابوالفضل قربان کسنه مبارک اولسون
دوندردی حسین یری جنانه گوی رشگ آپاروب بو خاکدانه
جبریل ووروب او زلفه شانه قنداقین آپاردی آسمانه
آچدی گوزونی او نازدانه باخدی ملکوته عاشقانه
سس گلدی حسین صفا ویر عرشه معراج سنه مبارک اولسون
سجاد آقایا حیالی مادرایرانلیدی یزدگرده دختر
ایران قیزیدی حسینه همسردامادینی هر قبیله ایستر
ایرانلی اولوب حسینه نوکر بیزلر هامی نوکروخ او سرور
دامادیمیزین بیر اوغلی اولدی اهل وطنه مبارک اولسون
شعبان آیی دل منور اولدی سجادیله یر معطر اولدی
اون بیرده طلوع دیگر اولدی میلاد علی اکبر اولدی
اکبردی بو خلقه دلبر اولدی یا آمنه دن پیمبر اولدی
لیلا ایوینون چراغی یاندی اول شیرزنه مبارک اولسون
نور دل عاشقاندی اکبرطاها کیمی دلستاندی اکبر
هم روحیدی هم رواندی اکبرأوز درسینه چوخ رواندی اکبر
واللهی حسینه جاندی اکبر آز عمر ایلیوب جواندی اکبر
قربان اونا با ادب جوانلار قبرین أوپنه مبارک اولسون
دورت نورین آدی بو سوزده گلدی هر دوردوده جلوه ی ازلدی
اما بشیمینجی بی بدلدی واللهی آغیزلارا عسلدی
مهدی دی ولی لم یزلدی الله نه یازوم بو چوخ گوزلدی
قانین آلاجاق آقام حسینون اول بی کفنه مبارک اولسون
هر بی کمکه کمکدی مهدی شاه بشر و ملکدی مهدی
جسم اولسا جهان اورکدی مهدی عشاق اورگینده حکدی مهدی
خیرالعمله محکدی مهدی دلبرلر ایچینده تکدی مهدی
هربیر باخشا جان آلسا آزدی جاندان گیچنه مبارک اولسون
- چهارشنبه
- 21
- فروردین
- 1398
- ساعت
- 16:26
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه