آسمان هَلْ اتیٰ یه-گون گلوب بیر آی دالنجا
بارش رحمتدی نازل هر نه سایسان سای دالنجا
یا محمّد ؛ کنز ِحقدن عالمه گوهر گلوبدی
گل ستان لافتایه باصفا گوللر گلوبدی
هم آلا گوزلر گلوبدی هم اوزون اللر گلوبدی
((یامحمد یامحمد یامحمد یامحمد ))
یا محمد شیعیانین های سالوبلار های دالنجا
ال آچوبلار سسلنوللر گلمیشوخ بیز پای دالنجا
واردی اللرده بهانه ایستیاخ بیز عیدیانه
نوررحمت سایه سالمیش بوگئجه کلّ جهانه
رسمیدی سائل آچار ال شه عطا ایلر شهانه
((یامحمد یامحمد یامحمد یامحمد ))
آچدی گوللر جوشدی سئللر آخدی چایلار چای دالنجا
یثربین کوی و برینده یاز گلوبدی یای دالنجا
اوچماقا اوج وصاله شیعیه شهپر گلوبدی
یا محمد وئر بشارت حیدره دلبر گلوبدی
پای بوسان حریم عشقه تاج سر گلوبدی
(( یامحمد یامحمد یامحمد یامحمد ))
آلسا کیم عباسیدن دم ایله مز آخ وای دالنجا
کیم حسینه سائل اولسا وای دئمز ایوای دالنجا
چون بیلور درد آشنا وار درد اولان یرده دوا وار
هم ابوالفضل هم حسین تک شیعیه مشکل گشا وار
ئوزمه سن ال بو اتکدن تذکره کرب وبلا وار
(( یامحمد یامحمد یامحمد یامحمد ))
- پنج شنبه
- 22
- فروردین
- 1398
- ساعت
- 10:17
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه