ای دل دئ هر آن ، اعیاد شعبان
میلاد جانان ، اولسون مبارک
گولدی گلستان ، بلبل غزلخوان
روح آلدی ریحان ، اولسون مبارک
جانم حسین جان ....
شاهیم حسیندی ، جاهیم حسیندی
والله جلال و جاهیم حسیندی
یاریم حسیندی ، واریم حسیندی
روحیم حسیندی ، راهیم حسیندی
تاجیم حسیندی ، ناجیم حسیندی
دلدار و هم دلخواهیم حسیندی
گورسندی نوری ، باشلاردا شوری
اللهدان احسان ، اولسون مبارک
جانم حسین جان ....
طاها سوؤندی ، دنیا سوؤندی
وصل حسیندن ، زهرا سوؤندی
شاد اولدی حیدر ، ساقیّ کوثر
بزم ولاده ، مولا سوؤندی
ئوپدی یوزوندن ، شهلا گوزوندن
سُلطانِ مُلکِ ، بطحا سوؤندی
گلدی طبیبیم ، زیبا حبیبیم
آل درده درمان ، اولسون مبارک
جانم حسین جان ....
طلعت گوزلدی ، صورت گوزلدی
الله وئروبدی ، نعمت گوزلدی
لبلر شیریندی ، شور آفریندی
ماهِ سپهرِ ، عصمت گوزلدی
چوخ با نمکدی ، واللهی تکدی
فُلک النّجادی ، شهرت گوزلدی
گلدی جهانه ، یار یگانه
شاه شهیدان ، اولسون مبارک
جانم حسین جان ....
جان جهاندی ، چوخ مهرباندی
آرامِ جانِ افلاکیاندی
تاپدی جلالت ، روز ولادت
قنداقی گئتدی ، عرشی دولاندی
روح الامین که ، صاحب نشاندی
بو نازینینه ، لایلای چالاندی
اولموش فرشته ، بو حق سرشته
گهواره جنبان ، اولسون مبارک
جانم حسین جان ....
هر کس حسینون ، اولسا مریدی
ایلر اونی حق ، نائل مراده
ئوپ آستانین ، بو مهربانین
ای دل قاریشما ، اهل فساده
گلدی حسین تا ، دین اولسون احیا
احراری دعوت ، ایلور جهاده
وئر بو پیامی ، خلقه «#کلامی»
تجدید پیمان ، اولسون مبارک
جانم حسین جان ....
- پنج شنبه
- 22
- فروردین
- 1398
- ساعت
- 10:49
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه