پنجمی ای پنج تنون
یات حسین آغلاما
گلدی بشیک ترپدنون
یات حسین آغلاما
کرب وبلا تپراقینون اولان ای مفخری
باخما غریبانه منه دیلیمون ازبری
روح الامینم ملکم قاپوزون نوکری
مقدمووه گل سپنون یات حسین آغلاما
سوم شعباندی بوگون شه والامقام
زاده ی زهراگوزلیم سنه اولسون سلام
بوگونه فخرایلیوری ئوزی فخر انام
خادمووم منده سنون یات حسین آغلاما
عرشه قماطون گئده جک سنون ای خوش سیر
گویده ملکلر یولووا دوزولوب سر به سر
مریم وسارا بشیگون نجه گور شوط ائدر
فاطمه لایلای دینون یات حسین آغلاما
گورمگه الساعه سنی ئوزی موسی گلوب
ایلیوب اعراض سما یره عیسی گلوب
طشت طلاده ائشیدوب سنی یحیی گلوب
وار گلنون وار گئدنون یات حسین آغلاما
کرب و بلایه گذرون دوشر ای سروریم
قوملارین اوسته گوررم آخار اشک تریم
باشوون اوستونده گلوب آچارام شهپریم
قانه باتار گل بدنون یات حسین آغلاما
- پنج شنبه
- 22
- فروردین
- 1398
- ساعت
- 11:16
- نوشته شده توسط
- ابوالفضل عابدی پور
- شاعر:
-
حاج نادر بابایی
ارسال دیدگاه