مَهِ شعبان یتیشیب/خسته دیله جان یتیشیب
گَلون ای اهل ولا /لعلِ بَدخشان یتیشیب
ظلمتِ شبده گلدی فاطمه نین مهتابی
گلدی جهاندا اولسون شیعه لرین اربابی
جان آقا سنه قربان آقا سیّدالعطشان آقا
جان آقا
ای اولان نور جَلی/وَجهِ خدای اَزلی
سنیله روشن اولوب/منزل زهرا و علی
شأنیوه بسدی سنسن خونِ خدای سُبحان
عالم و آدم اولسون آدیوا آقا قربان
شَهِ اِقلیمِ کَرَم/آدیوی من سسلییَرم
نه اولار کی یازاسان/تذکره ی بین الحرم
سویمامیشام آگهسن جامه ی عشقی تَندن
مین یول اگر گَلسم ده دویمارام آقا سندن
بیزه دلبرسن آقا/ سیّد و سَرورسن آقا
هره نین رهبری وار/سن بیزه رهبرسن آقا
زاهده ویر جنّاتی دیرو کِنِشتیم سنسن
سن بولوسن اربابیم باغ و بهشتیم سنسن
اوزوگه قاش یاراشار/یولداشا یولداش یاراشار
سنه عبّاس کیمی/سویمه لی قارداش یاراشار
سن کیمی شاهنشاهه هرکس اولانماز نوکر
بیر یاراشار عبّاسه تا سنه اولسون یاور
کیم گُلِ تر گتیریب/سن کیمی دلبر گتیریب
یا کی سجّادیله یا/اصغر و اکبر گتیریب
گورنه گوزل گول گَتدون منزلون اولسون آباد
کاخ یزیدی ایتدی باشینه ویران سجّاد
(بیکَسم) یوخدی کَسیم/عالم اولوبدی قفسیم
نَقَدر سسلیورم/هیچ یره چاتمور بو سسیم
ایله دعا یامولا خسته اورک دینجَلسین
ایسته خدادن آقا ،قانین آلان تز گلسین
- یکشنبه
- 1
- فروردین
- 1400
- ساعت
- 19:20
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه