میر مومنین گلدی
شاه مشرقین گلدی
شیعه لر اولسون گوزلروز آیدین
حضرت حسین گلدی
آچدی باغچادا گوللر شوره گلدی بلبل لر
روز سوم شعبان شاد اولوب یانان دللر
مژده ویردیلر فوراً بیربیره تمام ائللر
عرش و فرش اولوب یکسره تزئین نور نیّرین گلدی
شیعه لر اولسون گوزلروز آیدین حضرت حسین گلدی
مژده یتجگین گویا گلدی مریم و سارا
دودمان زهرایه بانوان خوش سیما
امر ذات حقیله قابله اولوب لعیا
گون کیمی سالا عالمه نورین آفتاب دین گلدی
شیعه لر اولسون گوزلروز آیدین حضرت حسین گلدی
گویده جشن اولوب برپا شادلیق ایلیور حورا
فاطمه قویوبدور چون باشه تاج کرمنا
دمبدم اولور مملو صحن خانۀ مولا
باروَر اولوب مذهب و آئین نور هر دو عین گلدی
شیعه لر اولسون گوزلروز آیدین حضرت حسین گلدی
جبرئیل خوش الحان ائتدی عرشیده اعلان
ای ملائکان حق لطف ائدوببو گون یزدان
جمله گی اولون حاضر عزم ائدک یره الان
جنته دونوب عرصۀ زمین طفل مه جبین گلدی
شیعه لر اولسون گوزلروز آیدین حضرت حسین گلدی
عرشین اهلی پیوسته گلدی دسته به دسته
دوردولار تماشایه صحن لرده بام اوسته
هامونی ائدوب مجذوب نور طفل نورسته
زینت افزای جنت برین یار بی قرین گلدی
شیعه لر اولسون گوزلروز آیدین حضرت حسین گلدی
طفل نه یوزی چون آی آی آلار یوزوندن پای
گلمیوب اونا گلمز بیرده بو جهاندا تای
گاهواره سین جبریل ترپدوب دیدی لایلای
لایلای سسین آلجاقین او دم مادر سبطین گلدی
شیعه لر اولسون گوزلروز آیدین حضرت حسین گلدی
دیدی اِنَّ فی الجَنَّۀِ نَحرَ مِن لَبَن
لِعَلِیٍّ و َ زهرا وَ الحُسَینِ وَ الحَسَن
آغلاما سوسوز الده جور و ظلمیلن ئولن
آغلاما لَـلَه اولماقا سنه بو روح الامین گلدی
شیعه لر اولسون گوزلروز آیدین حضرت حسین گلدی
- پنج شنبه
- 22
- فروردین
- 1398
- ساعت
- 11:31
- نوشته شده توسط
- ابوالفضل عابدی پور
- شاعر:
-
علی مظفری
ارسال دیدگاه