تار ذولفونله دوشوب دیل نه گوزل بنده آقا
سن منه سرور و شهسن سنه من بنده آقا
دیل آچاندان آدیوی سوزباشی ذکر ایله موشم
سوز عشقون یاییلوب خون و رگ و تنده آقا
قویمادون خوار اولا احباب آرا بو نوکریوی
منه لطف ایلیوب ایتدون منی شرمنده آقا
گل باشیم اوسته ئولن وقتیده یاد ایله منی
گوزلورم من یولووی واردی گوزوم سنده آقا
خاک پایون گوزومه قوی الیوم سرمه نور
ردّ پایونله سنون مهر اولاپرونده آقا
گر بونوعیله منیم مهر اولونا پروندم
روزمحشراوتورار لبلریمه خنده آقا
سن کرم ایله موسن شاعر دربارون اولام
یوخسایوخ ذرّه لیاقت بیلورم منده آقا
قدمون قوی گوزومه گوز دولوسی وار گنهیم
ثاقبم لکه ی ننگم سنه، شرمنده آقا
- چهارشنبه
- 8
- اردیبهشت
- 1400
- ساعت
- 16:48
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه