الله الله گینه ده شعبان اولدی
روز میلاد شَهِ خوبان اولدی
زهرایه ویروبدی خدا نه گوزل پای بو آیدا
جبریل امین ده چالور اونا لایلا بو آیدا
گوزلرون تا آچدی مولا
شاد اولوبدی قلب زهرا
الدن اله ویردیله قنداقینی اهل خانه
پیغمبره چاتدی اوپوب دوداقین عاشقانه
مولا مولا مولا مولا یابن الزهرا(٢)
آند اولسون کرب و بلا حرمتینه
کیم سجده ایلرحسین تربتینه
آلله آقاما خاطر اونا چوخ احسان ایلر
هر درد و غمی اولسا بیلورم درمان ایلر
ای پناه بی پنا ها ن
جان زهرا یاحسین جان
بو جَمعه ده بیر نظر ایله آقا بی نوایوک
بیز عاشق سوریه و نجف و کربلایوک
مولا مولا مولا مولا یابن الزهرا(٢)
هرایل شعباندا منیم قینر قانیم
قرباندی اربابیما جسم و جانیم
ایللردی که شاه شهیده ئورک داغلارام من
ایللردی که قاره سینی باشیما باغلارام من
ای شهید حق پرستی
آبروی مُلکِ هستی
ای فاطمه نون باغینون گولی ، روح و روانی
قسمت ایله بیرده زیارت ایده ک کربلانی
مولا مولا مولا مولا یابن الزهرا(٢)
- جمعه
- 23
- فروردین
- 1398
- ساعت
- 14:37
- نوشته شده توسط
- ابوالفضل عابدی پور
- شاعر:
-
مرتضی اسکندری
ارسال دیدگاه