• جمعه 10 فروردین 03

کربلایی نوید آسال اردبیلی

متن شعر ترکی میلادیه حضرت ابوالفضل العباس علیه السلام -(بو گجه یثربه بیر ماه دل آرا گلدی)

676
1

بو گجه یثربه بیر ماه دل آرا گلدی
گنج عشق و شرفه گوهر زیبا گلدی

قامتی سرو کیمین قاشلاری چون تیغ علی
کیپریگی اوخ مثلی گوزلری شهلا گلدی

آی دوادن یورولان گزمه دواخانه لری
مکتب طبیده استاد اطبا گلدی

مرحبا ام بنینه نجه اوغلان گتیروب
اوخشاری بو بالانون عالمه هاردا گلدی

بوسوزی من دیمورم سسلوری سکان جنان 
غیرت و همت و تقواده بو یکتا گلدی

شانه باخ اوپدی الین فخریله سلطان امم
هانسی رتبه بو گوزل رتبه دن اولا گلدی

آچمادی هیچ کسه گوز آل علی سسلدیلر
اولمیا عالمه بو ناقص الاعضا گلدی

گورجگین کرب وبلا شاهینی آچدی گوزونی
ارتعاشه صلوات ، صوتیله دنیا گلدی

هامیدان چوخ ولی مسروریدی شاه شهدا
چون بیلیدی سپه عشقینه سقا گلدی

من بیله فکر ایدورم ،فکریمی تائید ایله
باخماقا صورتینه عرش معلا گلدی

تا یتوب جنته اوصافی بونون ،سرعتیلن
جنتی ترک ایلیوب یثربه طاها گلدی

گوردی تا احمدی تپراقه گلور اهل جنان
اوپمگه قونداقینی عیسی و موسی گلدی

گر سؤال ایلیه مندن بیری،خلاق جهان
باخماقا بو بالیا یثربه آیا گلدی 

دییرم آری گلوب ذات احد تپراقه
باخجاقین نقشینه احسن سسی گیرا گلدی

فتبارک بویوروب بیرده خداوند اوزونه 
بوصدا صوت اذان مثلی هویدا گلدی 

گر نویدا دوتاسان عشقیله اول قونداقی
گوره جکسن سنه بیر منصب عظما گلدی

  • چهارشنبه
  • 28
  • فروردین
  • 1398
  • ساعت
  • 11:56
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران