چرخ شرفین عنقاسی گلوب
جود و کرمین دریاسی گلوب
لب تشنه لرین سقاسی گلوب
خیبر ییخانین همتاسی گلوب
مولا مددی (٤)
حلقه ، زر اولا هر قاش یاراشار
حُسن اولساگوزل هرساش یاراشار
عالمده حسین تک شاهه فقط
عباس آقا تک قارداش یاراشار
مولا مددی (٤)
بیر ماه ِ ملک منظردی آقام
دین کشتی سینه لنگردی آقام
غیرتدن اگر کیم صحبت آچا
غیرتده دیئر حیدردی آقام
مولا مددی (٤)
کفّاره گلوب دل داغلاماقا
طوق شرفه بئل باغلاماقا
چوخ پهلوانا دنیا یئر اولوب
جرأتده بیری چاتماز آقاما
مولا مددی (٤)
زیبا یارانان مهسا یوزه باخ
دیلده دیگیلن شیرین سوزه باخ
گورسه آقامی یوسفده دیئر
گول قامته باخ شهلا گوزه باخ
مولا مددی (٤)
بنزر کرمی دریایه اونون
طوبا سینه سی سینایه اونون
کیم نوکراولوب عباس آقاما
وئرمز توکونی دنیایه اونون
مولا مددی (٤)
گلدی اله تا آلسون علمین
نقشین پوزا تا قوم ظُلَمین
گسترسه اگر دست کرمین
بیزده گوره روخ زیبا حرمین
مولا مددی (٤)
سائللرینی درد و مُحنه
عباس علی مأنوس ائله مز
سرخطّینی چون حیدردن الوب
کیم آچسا الین مأیوس ائله مز
مولا مددی (٤)
- چهارشنبه
- 28
- فروردین
- 1398
- ساعت
- 13:27
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه