عرش اعلاده سسلنور ملائکه بو مطلبی
گلدی دنیایه اختر وفا و عشق کوکبی
خوش اولوب بولبول گولیله چمنده گول گلابیله
عرش و فرش عالی بزنوب ایشقلی آفتابیله
گوزل آدی اولوب حسین
مرتضایه نور دوعین
جانلار اولسون بیله مولوده قربان
انبیالر شانینه قالدی حیران
مولا مولا ابی عبدالله حسین ابی عبدالله حسین ابی عبد الله حسین (۲)
بو مولودی سببدی لطف حق آشکار اولوب
الطاف حی شامل فطرس بیقرار اولوب
دلشادوخ چون که موقع مسرت و طرب گلوب
گلشن لردن خزان گیدوبدی موسم بهار اولوب
طمه ریحانه سیدور
مرتضی دردانه سیدور
جانلار اولسون بیله مولوده قربان
انبیالر شانینه قالدی حیران
مولا مولا ابی عبدالله حسین ابی عبدالله حسین ابی عبد الله حسین (۲)
رخساری ماه نه فلکدی حیدری تباریدی
صاحب صولتدی مرتضی مثالی با وقاریدی
الدن اله ویروبدیلر بو طفلی آل مصطفی
زیب آغوش مصطفی کرمده جویباریدی
گل گلزار نبوی
شان و منصبده علوی
جانلار اولسون بیله مولوده قربان
انبیالر شانینه قالدی حیران
مولا مولا ابی عبد الله حسین ابی عبدالله حسین ابی عبدالله حسین (۲) بار
آل عبایه افتخار امامتین سنوبری
دنیاده ظلمه اگمیین باشین وقار مظهری
دریای رحمت خدا بوگون گلوب تلاطمه
مسرور ایدوبدی فاطمیله شاد ایدوب پیمبری
لطف قیل ای پیک صبا
بو سوزی گوستر آقاما
جانلار اولسون بیله مولوده قربان
انبیالر شانینه قالدی حیران
مولا مولا ابی عبدالله حسین ابی عبالله حسین ابی عبد الله حسین(۲) بار
سنه بیمار (زلفیم) اورکده چوخدی نیسگیلیم
عرض قیلماقه محضرونده شاهیم عاجزدی دیلیم
نه اولار جود اللرون دوباره چک بو سینه مه
قوشولوم عاشقلریوه مزاریوه منده گلیم
یتور اتمامه سوزلریم
سنه قرباندی گوزلریم
جانلار اولسون بیله مولوده قربان
انبیالر شانینه قالدی حیران
مولا مولا ابی عبد الله حسین ابی عبدالله حسین ابی عبدالله حسین (۲)
- چهارشنبه
- 28
- فروردین
- 1398
- ساعت
- 16:35
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه