آچ گوزون ای ماه منیریم
باخ منه بیر شیر دلیریم
هر باخیشون جاندی حسینه
آی منیم ایستکلی وزیریم
مه آل هاشیم
ادبلی قارداشیم
سنه هر باخدیقجا
آخیر گوزدن یاشیم
(ابوالفضلیم علمداریم)
ای منه دلدار وفادار
سن اولاجاقسان منه سردار
دهریده مشهور اولاجاقسان
قارداش ابوالفضل علمدار
گوزل طلعتون وار
اوجا قامتون وار
اوزوندی قولارون
عجب صولتون وار
(ابوالفضلیم علمداریم)
گوهر ایمانه صدفسن
غیرته داغ ٬ بحر شرفسن
سهم و صلابتده ابوالفضل
عینا آتام شاه نجفسن
کنارونده قالام
سنون نازون آلام
سنه گوزوم نوری
ئوزوم لای لای چالام
(ابوالفضلیم علمداریم)
ملک کرامتده شهنشاه
خلق ائدوب الله سنی چون ماه
بد نظرین کاش نظریندن
گوزلریوی حفظ ایده الله
سنه ای مه جبین
اوخور حورا یاسین
دیور زهرا احسن
ایا ام البنین
(ابوالفضلیم علمداریم)
آچ گوزون ای ماه منیریم
باخ منه بیر شیر دلیریم
هر باخیشون جاندی حسینه
آی منیم ایستکلی وزیریم
مه آل هاشیم
ادبلی قارداشیم
سنه هر باخدیقجا
آخیر گوزدن یاشیم
(ابوالفضلیم علمداریم)
ای منه دلدار وفادار
سن اولاجاقسان منه سردار
دهریده مشهور اولاجاقسان
قارداش ابوالفضل علمدار
گوزل طلعتون وار
اوجا قامتون وار
اوزوندی قولارون
عجب صولتون وار
(ابوالفضلیم علمداریم)
گوهر ایمانه صدفسن
غیرته داغ ٬ بحر شرفسن
سهم و صلابتده ابوالفضل
عینا آتام شاه نجفسن
کنارونده قالام
سنون نازون آلام
سنه گوزوم نوری
ئوزوم لای لای چالام
(ابوالفضلیم علمداریم)
ملک کرامتده شهنشاه
خلق ائدوب الله سنی چون ماه
بد نظرین کاش نظریندن
گوزلریوی حفظ ایده الله
سنه ای مه جبین
اوخور حورا یاسین
دیور زهرا احسن
ایا ام البنین
(ابوالفضلیم علمداریم)
- پنج شنبه
- 29
- فروردین
- 1398
- ساعت
- 11:9
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه