ای منیم روح و روانیم خوش گلوبسن
محرم راز نهانیم خوش گلوبسن
گوزلروندن قوی ئوپوم قلبین صفا تاپسون
نور و ضیا تاپسون
هدیه دست خداسن
دردیمه سن آشناسن
وئردی الله پای منه بیر با وفا قارداش
مشگل گشا قارداش
جان ابالفضل جان ابالفضل
جان سنه قربان ابالفضل
گوزلرین دریای عرفان لبلرین گُل
بی مَثَل آیدور جمالون اللرین گُل
سن سراپا عشقسن احساسسن عباس
احساس سن عباس
معدن جود و سخاسن
با صفاسن با وفاسن
یوم گوزون یات سینم اوسته سویگولوم قارداش
زیبا گولوم قارداش
جان ابالفضل جان ابالفضل
جان سنه قربان ابالفضل
مهر تابانیم حَسَندور سنده آی سان
صولتیندن حیدره واللهی تای سان
حیدرین اوغلی گرک حیدر خصال اولسون
زیبا جمال اولسون
هم خصالون حیدریدور
هم جمالون حیدریدور
هم ئوزون زیبا گوزون زیبا قدون رعنا
ای منصبی والا
جان ابالفضل جان ابالفضل
جان سنه قربان ابالفضل
- پنج شنبه
- 29
- فروردین
- 1398
- ساعت
- 11:29
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه