قلبیم ائوی شاد اولوب غصه دن ازاد اولوب
مژده ویرون عاشقان سید سجاد اولوب
کُر :
واردی بوگون شورشین
گوزلرون ایدین حسین
آدینی قویدی علی تا یانا دین مشعلی
حشره کیمی دهریده آدی قالار منجلی
بیزلره یاز تذکره کرب وبلا یاعلی
اولدی جهان زرنشان سیدسجاداولوب
اولدون آتا خسرو شاه ولا یاحسین
بیراوغول الله سنه قیلدی عطا یاحسین
سنده بیزه یازگیلان کرب وبلا یاحسین
ای شه ملک جنان سید سجاد اولوب
وار بو مه انورین اهو باخیش گوزلری
کیم باخا گل صورته واله ایدر دللری
کرب وبلاده اولار زینبین هم سنگری
ای شه صاحب زمان سید سجاد اولوب
چارم امام هدا بند دل مرتضی
چوخدورسوزوم دلده کی دردیمه ایله دوا
ای نور عین حسین مقدمیوه جان فدا
سسلردیر انبیا سید سجاد اولوب
"متقی" یازشعرووی دلبره ویرسون صله
دریای غمدن سنی بلکه چکه ساحله
سویله اقا دوشموشم قربان اولوم مشگله
مژده ویرون عاشقان سید سجاد اولوب
- پنج شنبه
- 29
- فروردین
- 1398
- ساعت
- 12:18
- نوشته شده توسط
- ابوالفضل عابدی پور
- شاعر:
-
حاج محمد متقی تبریزی
ارسال دیدگاه