سجّاد آل مصطفی گلدی جهانه
خاک حجازی دوندروب نوری جنانه
الحمدلله ایللر سئوندی
شاد اولدی شیعه دللر سئوندی
شاهنشه ایران قزی اولموش آناسی
کرب و بلا سلطانیدور به به آتاسی
شاه ولایتدور بو مولودون باباسی
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
باغ امامت گل آچوب گللندی دنیا
اولدی معطّر تازه دن گلزار طاها
آدین علی قویدی حسین شاد اولدی زهرا
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
گهواره سین گلدی اوپوب فوج ملکدن
شادی اوجالدی هم ملکدن هم فلکدن
عرشه اوجالدی نور ایمان بو بلکدن
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
یر پنجم شعبان اولوبدور نور باران
شکر اولسون اللهه اولوب نعمت فراوان
بوآیدا اهل دین اولوب خوشحال و خندان
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
سجّاد یعنی خالقه چوخ سجده ایلر
زهد و عبادتده اولار مانند حیدر
صبر و شکیبائیده یوخ مثلی گورللر
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
گهواریه زینب گوزل مولودی سالدی
گلدی حسین آغوشینه قونداقی آلدی
گول تک امامین گوردولر رنگی سارالدی
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
بلدی آناسین بو بالا الدن ویریبدی
گوزیاشیله زینب حسینه بیلدیبدی
رخت عزا آلعبایه گیدیریبدی
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
بو پنجم شعباندا واردی آیری اسرار
مظلوم حسین هم شاد اولوب هم سسّیز آغلار
کرب و بلاده بلدی سجّادی وُرالار
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
بوشعری"عینی فردیدن"ایتسون قبول حق
یازدی ارادتدن بو اشعاری محقّق
نور خدادن نور سجّاد اولدی مشتّق
سجّاد آل مصطفی گلدی جهانه
الحمدلله ایللر سئوندی
شاد اولدی شیعه دللر سئوندی
- پنج شنبه
- 29
- فروردین
- 1398
- ساعت
- 14:57
- نوشته شده توسط
- ابوالفضل عابدی پور
ارسال دیدگاه