گلدی دنیایه نورانی نوزاد
اولدی اسلامیده شیعیان شاد
ملک ایران چراغان اولوبدور
چوخ مبارکدی مولود سجاد
(چوخ مبارکدی مولود سجاد)
شکر ائدوبدور حسین کردگاره
آلدی آغوشه بیر شیرخواره
مرتضائیلن هم نام ائدوبدور
چاتدی سجادیده افتخاره
چوخ مبارکدی مولود سجاد
پیشوادینه سجادیمیزدی
رهبری رهبر رادیمیزدی
افتخار ایلروک هر زماندا
شاه لب تشنه دامادیمیزدی
چوخ مبارکدی مولود سجاد
اهل جنت فراوان سویوندی
کلّ آزاد مردان سویوندی
اوغلونون اوپدی زیبا یوزوندن
شهربانوی ایران سویوندی
چوخ مبارکدی مولود سجاد
آد قویان وقته شاه شهیدان
بوینونا باخدی چوخ اولدی گریان
یادینه دوشدی زنجیر اعدا
اولدی معناده زهرا پریشان
چوخ مبارکدی مولود سجاد
آغلادی گلدی گفتاره لایلای
آی قالان بیرگون آواره لایلای
کربلاده دوشرسن فشاره
قلب ائوونده اولار یاره لایلای
چوخ مبارکدی مولود سجاد
- پنج شنبه
- 29
- فروردین
- 1398
- ساعت
- 15:10
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه