شب میلادیدی سجاد آقامون
موسم یادیدی سجاد آقامون
هر کیمون عشق ولایت واریدی
قلبیدن شادیدی عباس آقامون
شرفون قیمتیدی
طاعتون زینتیدی
فخر ائدر فاطمه سجاده سینه
نیت خالص و آزاده سینه
سرولر سایه سی آلتدا سیخیلار
باش اگر قامت افتاده سینه
ادبین لنگریدی
شرفون شهپریدی
سجده سی عشقیده مانند علی
چهره سی جلوه گه لم یزلی
یوزی آئینۀ عرفان خدا
قاشلاری مطلع بیت الغزلی
یوخدی عشقینده لکه
فخریدور نه فلکه
گوز یاشیندان گل ایمان گوگرر
لالۀ روح و دلِ جان گوگرر
دللره بذر شرف بذل ایلیر
سینه ده غنچۀ وجدان گوگرر
بو شرف عاشقیدی
عاشق لایقیدی
عطر محرابی گولی مست ائلیور
گلیلن بلبلی همدست ائلیور
نفس اعلا بو شهین عاشقیدی
گر حسادت ائله سه پست ائلیور
عشقینه دین اوجالور
خصم حاسد اوجالور
- پنج شنبه
- 29
- فروردین
- 1398
- ساعت
- 15:15
- نوشته شده توسط
- ابوالفضل عابدی پور
ارسال دیدگاه