سبک : ای قلم سوزلرینده اثر یوخ...
جامه عشقوی... مطهری...
سال یولون ای صبا کربلایه
ویر خبرمهربان اول آتایه
جان ویروبدی بالان فخر ساجد
شرکت ایله اوزون گل عزایه
شور اعظمدی گویا قیامت
حشره واردی بوگوندن علامت
خشک اولوب چشمه سارفضیلت
باتدی خورشید نور و هدایت
هربلا و خطر یولداش ایستر
قلبی غمدن دولان قانیاش ایستر
اکبره دی صبا یاسه گلسین
مهربان قارداشی قارداش ایستر
حق یولوندا غمی سهل ساندی
صبرایدوب هرجفایه دایاندی
ویردیلر زهرکین بو امامه
جسم وجان شعلۀ درده یاندی
ایلدی کوفه ده نهضت ایجاد
ناقه اوستونده بیرخطبه ایراد
ثابت ایتدی منم حجت الله
حقه ساری ایدوب خلقی ارشاد
عرصۀ سجده ده با لیاقت
خالقه ایلیین دوز عبادت
سوندی فانوس مهر و محبت
باقره تا پشورو لدی امامت
هریره نصب ایدون غم لواسی
آغلوری اهلبیتِی بالاسی
یاد ایدورکربلا ماجراسین
اوج ایدور فرش وعرشه صداسی
منعقدی عزا «عدلی»آغلار
گویلی ایستر بقیع سینه داغلار
میزبان بو عزاده حسین دور
گوز سرشکین یوزه شیعه باغلار
- چهارشنبه
- 17
- دی
- 1399
- ساعت
- 18:40
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه