شیرین زبان نتیجۀ طاها رقیّه دی
مشهور اولان شبیهۀ زهرا رقیّه دی
شعبان آیندا بو بالا مولود اولوب یقین
بیرگون اویان بویان اونا فرق ایلمز بیلین
تجلیل اولا سفیر حسیندن گرک همین
الان هدف بیر عدّیه اِخفا رقیّه دی
اهل تسنّن ایچره مزاری تاپوب قرار
امّا نجه مزار ایلیر شیعه افتخار
قاتل ایوی داغلدی بونون عزّ و جاهی وار
اوردا یاتان بیلور هامی یکجا رقیّه دی
الله حسینه بو قزی پای ویردی بو گجه
مظلوم ئولن آناسینا تای ویردی بو گجه
هرکس ایشتدی شهریده های ویردی بو گجه
خوشحال ایدن حسینی خدایا رقیّه دی
زینب که خِبرَه دور آناسین ایللر آختارور
غیر از اوزی آناسینه بیر بنزر آختارور
بیر عدّه لر بیلردی بیله گوهر آختارور
گورجک دیدی آنامدی بو قز؟یا رقیّه دی
کیمدور رقیّه آل علینی سوؤندوروب
خصمین بساط عیشینی بیردن دیندوروب
عشقین لباسینی اگنینه الله گیندیروب
گهوارده تاپان رهِ معنا رقیّه دی
گوندن آلار ایشق نجه آی کوکب ئورگشر
گهواره ده بو آل علی مطلب ئورگشر
استادی هر کسین اولا گر زینب ئورگشر
نور ثَرا و برج ثُریّا رقیّه دی
شهزاده اکبرین دوشونون زینتی اوچ ایل
اهل مدینه گوردی گلِ جنّتی اوچ ایل
سینه به سینه گزدی اولوب عزّتی اوچ ایل
دوردمجی ایلده محنتی عظما رقیّه دی
عمری ستارۀ سحریدن چوخ اولدی آز
نازین چکن چوخیدی ولیکن یوخ اولدی ناز
قمچی اونون وجودینه گویا اوخ اولدی باز
ویرانسراده طاقتی فرسا رقیّه دی
عبّاس و اکبرین دوشونی ایلدی مکان
چوللر دوشونده آت دوشونه سالدی کوفیان
بیر گون ئوپور دوداقینی حوریِّ آسمان
بیرگون سوسوز قالور اولور ایذا رقیّه دی
قویمازدی عمّه سی اونی چوخ غصّه لر سخا
امواج پر تلاطم بحر بلا یخا
سعی ایلیردی شامیده فاتح بو قز چخا
اوّل سفیر زینب کبری رقیّه دی
هر کس ایده رقیّه مسیرین گر انتخاب
اولسون گرکدی سیرتی غیرت ، وفا، حجاب
بی غیرت وحجاب اونی سسلنسه یوخ جواب
مشتاق اهل طاعت و تقوا رقیّه دی
- سه شنبه
- 3
- اردیبهشت
- 1398
- ساعت
- 11:30
- نوشته شده توسط
- ابوالفضل عابدی پور
ارسال دیدگاه