• پنج شنبه 9 فروردین 03

 سیدبشیر حسینی میانجی

طوبی بوداقی ( شادنامه حضرت رقیه سلام الله علیها ) -(شعبان آیی گوز آشدی بو دنیایه رقیّه)

483

شعبان آیی گوز آشدی بو دنیایه رقیّه
پیرایه وئروب یثرب و بطحایه رقیّه

ای شیعه! ولادت آیی نی سعی ائت اونوتما
منسوبیدی چون عترت طاهایه رقیّه

چوخلار بونون آدین یازابیلمور حسدیندن
یازمور نئجه دلبندیدی مولایه رقیّه

بیلمور کی یازوب حائری علاّمه بو آدی
زینتگر اولوب دفتر و طغرایه رقیّه

معناسینه باخ آدینون ای عاشق شیدا!
محبوبه دی هر عاشق شیدایه رقیّه

یعنی او کسی کی ائلییر رُشد و ترقّی
باخ شأنه چاتوب رتبه ی والایه رقیّه

بیر غنچه دی جنّتده کی طوبی آغاجیندان
گور نه یاراشیر شاخه ی طوبایه رقیّه

ایران هارا یثرب هارا امّا گلور عطری
چون غنچه دی گلزار تولاّیه رقیّه

بیر بیله وجاهتله گوزلّیکله سزادی
گر طعنه ورا هر گلِ زیبایه رقیّه

چون گورملی بیر قارداشیدی قارداشی اکبر
عاشق دوغولوب گلدی تماشایه رقیّه

هر کیمسه باخوب گوزلرینه سؤیله دی به به
گوزدن نئجه گور اوخشوری زهرایه رقیّه

عیب ائتمه دئسم خادمه سی هاجر و حوّا
چون عدنیده مخدومه دی حورایه رقیّه

گور هانسی قیزین بیر بئله وار شأن و جلالی
قارداش قیزیدی زینب کبرایه رقیّه

گاهی گئدوری اکبرین آغوشینه، گاهی
زینت اولوری سینه ی سقّایه رقیّه

قلبینده حسینون بو گئجه آیری صفا وار
چون بنزیوری امّ ابیهایه رقیّه

القصّه ترقّی ائلیوب روحیله جسمی
عشقین باشینا سالدی بویوک سایه رقیّه

اوچ-دوت یاشا چاتدی ائله دی عشقی سرافراز
توش اولدی دریغا غم عظمایه رقیّه

ویرانه نی آباد ائله دی بیر نئچه گونده
گئت گور نه ائدوب شام غم افزایه رقیّه

چوخ گورموشم اُول قبری ولی دویمامیشام من
از بسکه وئروب زینت او مأوایه رقیّه

شیریندی «بشیر»ین سوزی «یوسف»اوخو شیرین
بایراملوق عطا ائتسین احبایه رقیّه

  • سه شنبه
  • 3
  • اردیبهشت
  • 1398
  • ساعت
  • 11:33
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران