نگارا گل جمالون گل کیمی بی مثل وهمتادی
منی دنیاده دیوانه ایدن اول ماه سیمادی
سنه گر گل دیدیم عفو ایله جانا اشتباه اولدی
سنین گل حُسنوه گللر اوزی غرق تماشادی
قیامت ایلیوب الله سنی خلق ایلین وقته
گوزوم وار گوزلرینده، گوزلرین از بسکه شهلادی
سنه بیر یول نظر سالسیدی مجنون طول عمرینده
آتاردی لیلینین فکرین جمالین بسکه زیبادی
شکارین رسمیدی صیادیلر زنجیره باغلالار
من اما تار زلفنده اسیرم گور نه غوغادی
سویر آزاد اولا بو رسمیدی هر کیم اسیر اولسا
اسیرم من سنه اما نیه لازمدی آزادی
سالوب گوزدن لب لعلون جهاندا شهد و شیرینی
نجه شیرین عسل اولسا دوداقین اوندان اعلادی
نصیب اولسا منِ دلگیره کام آلسام وصالیندان
دوشر دنیا گوزومدن چون منه او لحظه دنیادی
- سه شنبه
- 3
- اردیبهشت
- 1398
- ساعت
- 11:59
- نوشته شده توسط
- ابوالفضل عابدی پور
- شاعر:
-
حسین علیزاده
ارسال دیدگاه