ای اولان نورِ جَلی
وارثِ شمشیر علی
نَرجسه ویردی خدا
سن کیمی تای سیز گوزلی
واردی ملاحت سنده حضرت پیغمبردن
جلوه ی رخساروندا واردی نشان،حیدردن
جان آقا سنه قربان آقا عالمه سلطان آقا جان آقا
گوز گَرک یاره باخا
قدرت داداره باخا
هانی یوسف گَله بیر
گرمیِ بازاره باخا
حُسنوده یوسف گرچه چوخ دییلوب زیبادی
بو گُلِ بی همتانین مشتریسی زهرادی
جان آقا سنه قربان آقا عالمه سلطان آقا جان آقا
آلدون ای سَروِ چمن
عصمتیوی فاطمه دن
ای شجاعتده حسین
حِلمیده مانند حَسن
صورتیوین ترکیبی طعنه ووراردی یاسه
قامتون اوخشار مولا حتماً عمون عبّاسه
جان آقا سنه قربان آقا عالمه سلطان آقا جان آقا
دیللرین دلبریسن
فاطمی و حیدری سن
شیعیانین آقاجان
باشداکی تاجِ سریسن
بو یوزی قاره نوکر دویماز آدوندان ارباب
بوشدی اَلیم آگهسن قووما قاپوندان ارباب
جان آقا سنه قربان آقا عالمه سلطان آقا جان آقا
(بیکَسوخ)یابن الحسن
حالیمیزی سن بولَه سن
آند ویررم آناوا
ایسته خدادن گَلَه سن
اهل جفا عالمده ایلدی مولا طغیان
گَل او گَلَن یوللاره جانیمیز اولسون قربان
جان آقا سنه قربان آقا عالمه سلطان آقا جان آقا
- جمعه
- 29
- اسفند
- 1399
- ساعت
- 15:8
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه