گوز آچدی عالمه بیر گوهر ناب و ثمین گلدی
وُران اود سینیه بیرعشق داغ و آتشین گلدی
دئنن کام شه ِ عشاقه شهد و انگبین گلدی
نشاط و شور و غوغایه یساریلن یمین گلدی
جمالین کیم گوروب سسلندی ختم المرسلین گلدی
گلوبدور عالمه تندیس عزّت ، وجهِ وجه الله
نه یوسف،گلسه مین یوسف قالارحیران اونا بِالله
جمالاً خصلتاً خلقاً دئنن عیناً رسول الله
رسول اللّهه بنزر گوزلره دویماز باخان والله
قلم قاشلار ، آلا گوزلر ، جمالی دلنشین گلدی
ائدوبدور صورتین مهسا مصوّر کِلک یزدانی
پیمبر تک وجود لوحی نین تصویری نورانی
اولان سدّ سدیده آدینون عزّتله عنوانی
نه اکبر، دُرج بی مثل و بَدل دور احمد ثانی
وجودی کائناتین فخری،بیرحِصن حَصین گلدی
غریبه قرمزی گوللر آچوب گولزار عترتده
گلوب شوریده بلبللر نوایه بزم عشرتده
او مولودین جوشوب گول نِکهتی جام بشارتده
کَاَنّه بیر قیزیل گول تک شمیم عطری جنتده
خمارجام وصل اولموش تماماً حور ِعین گلدی
نئجه اکبر کی زلفی اشبه اولموش لیلة القدره
نه اکبر؛ صورتی قرص قمر اوخشار مَه ِ بدره
یازیلمیش رُقعۀ عزت ده آدی اکبرین صدره
کرم دریاسیدور عباس تک ،حاجاتیمیز قطره
بولاردان حاجت آلماق شیعیه حتم ُالیقین گلدی
شرار عشق اکبردن یانار شام و سحر لیلا
ئوپر کیم خاک پایندن ایاقیندن ئوپر لیلا
علی عشقینده عشاقین یولوندا گول سپرلیلا
ئوز اوغلون یوسف مصره قیاس ایلرمگرلیلا
جمالی که جمال ختم الامره چین به چین گلدی
وئروبدور نازیله لیلی علیّ اکبره شیرون
ائدوبدور شیر مادر شیرعزت، بیشه لر شیرون
علمدار ولاتک قبضه ائتمیش الده شمشیرون
آلوب روبه صفتلردن او شیر ِبیشه نخجیرون
ییخانداطارقی ، گویدن یئره صد آفرین گلدی
اونون آدی اولوب نقش نگین حلقۀ غیرت
علی اوغلی علیدوربو، پیمبرزاده خوش سیرت
گلنده رزمه کیم وجهین گوروب آناً ائدوب حیرت
دِیوبلرمصطفی رزمه گلوب کیم ائتمیه بیعت
ائدوبدورهر ایکی دنیاسی نی غرق اَنین گلدی
یاراتدی بیرشجاعت قالدی حیرتده بوتون عالم
اونا احسن دیوب جنات الاعلاده ئوزی خاتم
او دم کی دوشدی توپراقه بلاد ِعزّته ضیغم
گلوب عباس باشی اوسته آچسون بیرقراپرچم
دیوبدور آچ گوزون عباس عموندور دلغمین گلدی
بلا دشتینده تا آتدان دوشوب نقش زمین اولدی
اونون احوالینه عرش اهلی محزون وغمین اولدی
خدائیلن ائدن سودا عجب سود آفرین اولدی
او دم کی دوغرانان پیکر فدای راه دین اولدی
اولحظه ئوز آتاسیندان ندا،هل من معین گلدی
بلا دشتینده تا جانین فدا اول شاهباز ائتدی
آتاسی مُلک عشقه اوغلونون قانین جوازائتدی
بئله قربانیَه گویده ملکلر اعتزاز ائتدی
علیّ اکبرین قانی حسینی سر فراز ائتدی
اگر چه بعدِ اکبر شاه عشقه ایش چتین گلدی
گوی اهلین کربلا دشتینده پیکرسیزسرآغلاتدی
قوپان غارت زمانی کربلاده محشر آغلاتدی
او یرده لیلی زاری سوکولمیش پیکر آغلاتدی
حسین کرب وبلاده آغلامازدی اکبر آغلاتدی
ازل گوندن حسینه دردیلن محنت عجین گلدی
ایا شاها « مصیّب » درد فرقتدن فغان ایلر
خدنگ حسرت کرب وبلا قلبین نشان ایلر
بو حسرتده یوزه گوزیاشینی دائم روان ایلر
یازان نیسگیللی شعری سینۀ عشاقی قان ایلر
اگر چه بیله درگهده قلم وُرماق شیرین گلدی
- چهارشنبه
- 4
- اردیبهشت
- 1398
- ساعت
- 10:34
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه