قویدی مهدی تا عالمه قدم
نور احمدی اولدی آشکار
مژده ویر بقیعده آنا سینه
سامرایه گل ایله بیر گذار
شرمساراولوب نوره مهر وماه
یوسفون گلوب اولما بی قرار
گوز آچوب زمانه مهدی موعود
اهل یقینه مقصد و مقصود
کر:
تهنیت دِ زهرا ویرسون عیدیانه
مهدی خوش گلوبسن سن بوگون جهانه
مقدمون مبارک مقدمون مبارک
بو گل لطیف حسینی دور
آچدی گللری ایلیوب خجیل
گلشن رسوله ویروب صفا
خلق ایدوب جمیل خالق جلیل
عرش وفرشه عطرجنان دولوب
یوخدی بوگله تا اولا عدیل
گوز آچوب زمانه مهدی موعود
گلشن و چمنده بلبل اولدی خشنود
نسل پاک احمدظهور ایدوب
بوندا وار کرامات موسوی
افتخار ایدر انبیای حق
واردی مین دم پاک عیسوی
حجت زمین و زماندی بو
باشینه قویار تاج خسروی
گوز آچوب زمانه مهدی موعود
هامی عاشقانه شاهد و مشهود
قصد ایدوب امام حسن گوره
مهدینی گلوب گُل سُراقینه
آلدی اللری اوسته بیر زمان
قویدی لب یوزه هم دوداقینه
حمدایدوب خدانی ویروب صورا
تا اذان اقامه قولاقینه
گوز آچوب زمانه مهدی موعود
مظهر وفا و کان کرم و جود
ناب بادیه مست ایله منی
تازه مولود عشقینده ساقیا
ملجأ و امید جهان گلوب
صاحب الزمان ختم الاصیاء
سربه سر بو عالمدی لاله زار
گلستان طاها تاپوب صفا
گوزآچوب زمانه مهدی موعود
آچلی جهانه هر در مسدود
صاحب الزمان مهدی عاشقی
«عدلیا» دلونده شعار ایله
یاز مدیحه زهرا بالاسینا
شکر خالقه بی شمار ایله
پیر درگه شاه حسینسن
خادم اولماقا افتخار ایله
گوز آچوب زمانه مهدی موعود
سنده سعی ایله اول بندۀ معبود
- چهارشنبه
- 4
- اردیبهشت
- 1398
- ساعت
- 11:10
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه