هر لحظه خریداریوم ای یوسف زهرا
مجنون و گرفتاریوم ای یوسف زهرا
والله نه خریدار ،نه مجنون ،نه گرفتار
بیر عمریدی بیماریوم ای یوسف زهرا
سن باغ و گلستان،آقاسن بوته ی ریحان
من،لطف ائله سون خاریوَم ای یوسف زهرا
شرمندیم آقا بو عمللرله یوزوندَن
والله بولورَم عاریوَم ای یوسف زهرا
قوی منده دئییم عاشقوَم،واللهی منده
دلداده ی دیداریوَم ای یوسف زهرا
تا واردی بو"هاتف"نه قدَر وار سنون عشقون
من شهره ی بازاریوَم ای یوسف زهرا
- چهارشنبه
- 4
- اردیبهشت
- 1398
- ساعت
- 11:28
- نوشته شده توسط
- ابوالفضل عابدی پور
- شاعر:
-
سعید حضرتی (هاتف)
ارسال دیدگاه