چاتاجاقدور منه بير خوش خبر ان شاءالله
وار اميديم كه نگاريم گلر ان شاءالله
گئجه گوندوز باخورام يولاّرا يار عشقينده
گلجاقدور يا بوگون يا سحر ان شاءالله
گورمه ميش عاشقی ام گلمگينی گوزلیورم
منه بسدى باخا گر منتظَر ان شاءالله
آيريليق دردينه يوخ چاره گرك صبر ائلييم
آنجاق آخرده تاپام بیر ظفر ان شاءالله
گر چه من چوخ اوزاقام اوندان او ياخيندى منه
منه اُول ياريم اوزى باش چكر ان شاءالله
اورگيم لاله كيمى قانه دونوب هجرينده
بير باخيشلا منى مسرور ائدر ان شاءالله
آرزومين آغاجى گوزياشيميلان گويروب
وئره جاق نخل اميديم ثمر ان شاءالله
كعبه دن اونداكى گون تك چيخاجاقدور ياريم
غصّه دن قلبيم او دم دينجلر ان شاءالله
گلسه گر يوسف زهرا داخى قالماز غم و درد
شاد اولار شيعه ي اثنى عشر ان شاءالله
ذوالفقارى آلاجاقدور الينه پور على
دشمنِ دين اولاجاق دربدر ان شاءالله
محسن و فاطمه نين قانين آلار اعدادن
خار تک خوار اولاجاقدور عمر ان شاءالله
وار يقينيم يا بو دنيا يا او دنياده «بشير»!
صله بو شعريوه مهدى وئرر ان شاءالله
- چهارشنبه
- 4
- اردیبهشت
- 1398
- ساعت
- 11:33
- نوشته شده توسط
- ابوالفضل عابدی پور
- شاعر:
-
سیدبشیر حسینی میانجی
ارسال دیدگاه