• جمعه 10 فروردین 03


متن شعر امام زمان(عج) -(ای خدای الرّحمان، قئل نظر عطا گلسین)

769

ای خدای الرّحمان، قئل نظر عطا گلسین
رحم ائله ئوزون یا ربّ، دیللره رجا گلسین

امر ائله گونه گؤیده، ساچلارین آچیب هورسین
تئل به تئل او گیسودن، گوزلره ضیا گلسین

بیرده گلشن عشقه رحمتون سنون یاغسین
عطر جان فشانیندن عالمه صفا گلسین

ای صبا گلستاندا گل لره سلام ائیله
تا کی نکهت جانان، جانه، جا به جا گلسین

ایستئیون مسلمانلار هر نماز صبحوزده 
بزم عیش و وحدتدن ساغر شفا گلسین

غرق اولوبدی انسانلار منجلاب شهوتده 
ایستئیون مسلمانلار شاه با وفا گلسین 

کعبه ی محبّتده عشقی بر قرار اولسون
تخت نوره اگلش سین، صاحب لوا گلسین

صاحب الزّمان عدلین، دولتین بنا ائتسین
آسمان بهجتدن، حقّیدن ثنا گلسین 



«بو امام بر حقدی، ذات حقّه ملحقدی» 
«عرش و فرش داورده پادشاه مطلقدی» 



شه بویوردی من یازدیم، عشق سیز بهار اولماز
عشق سیز هئچ انساندا، عزّت و وقار اولماز

سن اگر دوز عاشق سن عشقیوی ثبوت ائیله
یوخسا هر یالان سؤزلن، عشق ماندگار اولماز

معرفت تاپار انسان، سینه سینده عشق اولسا
عاشق اولمیان کسده، والله اعتبار اولماز

صاحب الزّمان ایستور، عالمه صفا دولسون
بی صفا ئورکلرده عشقی انتشار اولماز

غیرت و شرف، بیزده اوّلین کتابتدی 
سیم و زر اوجوزدور چون، عشقه هم عیار اولماز

بیز ولایت عشقی ساتماروق مقام اوسته
انتصاب قدرتلن، کیمسه نامدار اولماز

قونشی قونشیا باخسا، هئچ یتیمه آج یاتماز
هئچ کیم اهل عیالیندن، ائوده شرمسار اولماز

مرتضی علیدن آل، غیرت و شرف درسین
مرتضی علی مثلی درده غمگسار اولماز



«مرتضی علی اوّل، عشقینه علم وئردی» 
«حبّ مال و دنیانین، ریشه سین تاپوب قئردی» 



وئردیلار ولی اوغلون شرم سیز مسلمانلار
گؤردولر کمک سیزدی، آغلادی بیابانلار

شمر بی حیا عطشان، بیر امامی ئولدوردی
دوردولار تماشایه بی لیاقت انسانلار

چئخدی غم سماواته گؤیده ابریلر دولدی
وا حسین صداسیندن، چاک اولوب گریبانلار

کینه لی ئورکلردن، اود دوتوب سراپرده
ظلمتین حصارینده حبس اولوبدی جیرانلار

آت دوشونده صحراده قاچدیلار نئجه یا ربّ؟! 
عرصه گاه جانانه، قورخودان او قربانلار

چول قاراندولوق، قئزلار بی پناه او چوللرده 
آغلاشور تیکانلاردا قاچدوقیجا مهمانلار

هر نقدری گؤز ایشلور، وحشت و خباثتدی 
بیر طرفده جان آغلور بیر طرفده پیکانلار

بیر طرفده علقمده ساقی وفا آغلور
بیر طرفده آواره، دربدر لب عطشانلار

بیر طرف ‌#شفقدن غم، جان آلور بو محنتده 
بیر طرفده دفترده، خامه دن آخان قانلار


  • چهارشنبه
  • 18
  • اردیبهشت
  • 1398
  • ساعت
  • 14:35
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران