• جمعه 10 فروردین 03


شعر مناجات ماه رمضان -(او قدر ایلمیشم عمریده خطا یارب)

993
2

او قدر ایلمیشم عمریده خطا یارب
اورک سوزون دئماقا ایلیرم حیا یارب

هوای نفس منیم روحیمی اسیر ائلیوب
همیشه ایلمیشم نفسیمه جفا یارب

نه چاره واردی اگر شامل اولماسا حالیما
بو آیدا مغفرت و رحمت و عطا یارب

شفیع درگهیوه اهلبیت و قرآنی
گتیرمیشم ائدیرم سندن التجا یارب
 
منیم گناهیم آغیردی ولیک آگاهم
 که لطف و رحمتیوه یوخدی انتها یارب

سنی قسم وئریرم مرتضایه دوت الیمی
شکسته قلبیمه وئر رونق و صفا یارب

امیدیله بو گئجه گلمیشم سنین قاپوا
که بلکه سن ائده سن دردیمه دوا یارب

قرا یوزیله سنین درگهینده من قوناقام
عنایت ایله اولا حاجتیم روا یارب

نقدرعیبیمه لطفیله پرده چکدین سن
باغیشلا بو گئجه لطفیله هکذا یارب

بو گئجه شوق وصالیله اولموشام #مدهوش
عجب نوایه چاتیب دیر بو بینوا یارب

  • چهارشنبه
  • 18
  • اردیبهشت
  • 1398
  • ساعت
  • 15:24
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران