علی او شمسیدی بیته عمود نور ووروب
ائدوب او نور ولی کوفه مسجدینده غروب
علیدی مظهر ذات خدای حی ودود
علیدی عالم امکاندا شاهد و مشهود
مه صیامین ائدوب نوزدهمینده او شاه
زمان صبحده عز م عبادت معبود
گلوبدی مسحده بیر بیر یاتانلاری اویادوب
بویوردی قاتله بو یاتماقون دگول محمود
یاخوندی قصدون ائده نظم عالمی بر هم
من آگهم ئورگونده سنون ندور مقصود
چخوبدی مأذینه شاه دین اذان وئردی
محیط کوفه نی دولدوردی سس آیلدی رقود
نماز صاحبی گئچدی نمازه ائتدی شروع
اولوب گوزیندن او ساعتده ماسوا مفقود
قیام قتل سنوب رکن دین اولوب راکع
ابو تراب قویوب باش ترابه ائتدی سجود
الینده تیغ کمین ائتدی زادۀ ملجم
گوروب موانعی مفقود مقتضی موجود
علی باشین گوتورنده او قوزیوب الینی
امام باشنه اندیردی تیغ زهر آلود
عمامه پارچالانوب قانیله دولوب محراب
گوروندی آیت شق القمر پوزولدی قعود
هواده باشین آچوب جبرئیل چکدی صلاة
یخلدی رکن هدا ئولدی میر دار خلود
توکولدی ناله کنان مسجده بنی هاشم
فغان و ناله سسی ایلدی سپهره صعود
گوروب یارالی آلوب مجتبی باشین دیزینه
سیلوبدی قانین اوغوب آنّینی او معدن جود
گریز به قتلگاه
حسینون اولمادی بیر مهربانی آنین اوغا
باشین سوسوز دالیدان کسدی شمر شوم و عنود
وورولدی نیزیه باشی عزیز زهرانین
اولیدی کاش بو عالم او وقتیده نابود
حسینون عطری ایله دولدوروب بلا چولینی
سالوبلا مجمره گویا که مشک و عنبر و عود
یتیشدی قتلگهه تاپدی باجی قارداشینی
یوزین دوتوب گویه سسلندی ای خدای ودود
روادی بیله ستم هانسی دین و مذهبده
سالوب حسینمی بو حاله اشقیای جهود
بیر ایله ظلم ایلیوب رحمسیز مسلمانلار
بو ظلمی مسلمه ائتمز مجوس و گبر و یهود
« حسینی » صدقیله دوت مرتضی علی اتگین
علییدی دادرس یوم موقف موعود
بیری دئسه که قوافیده دال و ذال ندور؟
دئ بوشلا بو سوزی یوخدور مجال گفت و شنود
- چهارشنبه
- 8
- خرداد
- 1398
- ساعت
- 15:4
- نوشته شده توسط
- ابوالفضل عابدی پور
- شاعر:
-
سعدی زمان سیدرضا حسینی
ارسال دیدگاه