چون تُراب تیره اولدی، خوابگاه بوتُراب
عرشیدن گلدی ندا، یا لیتنی کُنتُ تراب
چو خ بلالر چکدی بو عالمده شاه لافتا
هر غمه صبر ایلدی او ل معد‌ن جودو عطا
وئردی باش محراب عباد‌تده بو یاندی قانه تا
اهل عشقه بیربه‌بیر او لسون او باشدان فتح باب
کشو‌ر ایمانیده نصب ائیلدی بید‌ق یره
حقّ دلیلن ایتدی امراللّهی جاری حق یره
بولمیوب حقّین او نون، اؤلدوردولر ناحقّ یره
او لدی قانیلن مترجَم معنی امّ‌الکتاب
چون یخلدی باعث ایجاد حرف کاف و نون
دین حقّین او لدی بیر محکم ستونی سرنگون
دوشدی دیلد‌ن قلب عالم، او لدی عالم بی‌سکون
شش جهتده ظاهر او لدی بو جهتدن انقلاب
اولدی ضربت آشنا فرق شه مردانیلن
دو لدی عین‌اللاهه ناظر گؤزلری آلقانیلن
وئردی جان جانانه، امّا نه لب عطشانیلن
شیعه‌لر ای کاش او لئیدی کوفه‌ی ویران خراب
بولمور‌م آیا نه وار بو یرده ای اهل ولا
قو یدی هر کیمسه قدم او لدی بلایه مبتلا
عاقبت قانه بو یاندی بوردا شاه کربلا
کسدی باشین وئرمدی دشمن او نا بیرجرعه آب
چو خ مصیبت‌لر او لوب شیعه نمایان کوفه ده
چو خ بدنلر آخر او لموش قانه غلطان کوفه ده
وئرمیوب امّا حسین تک بیر نفر جان کوفه ده
بیر بد‌ن دؤرت مین جراحت کیم گؤروب وئرسین جواب
شیعه‌لر اهل جفا حاشا جفاد‌ن دو یدولار
کسدیلر باشون سو یوب جسمین یئر اوزره قو یدولار
خیمه‌گاهین ایتدیلر غار‌ت عیالین سو یدولار
اهلبیت عصمت او لدی، بسته‌ی قید طناب
کیم گؤروب بیر بیله ظلمی بیر مسلمانه روا
یا او لوب لب تشنه ئؤلماق هانسی قربانه روا
گؤردی امّا اهل کین شاه شهیدانه روا
هم عیالی، هم اؤزی او لسون سوسوزدان دلکباب
لشگرجرم و معاصی بید‌ق آچمیش رنگ رنگ
پهلوان نفس ائدوبدیر عرصه‌نی صرّافه تنگ
چو خ سعادت دور، وورا گر دامن مولایه چنگ
چون امیرالمؤمنین دور شافع یومُ‌الحساب
- چهارشنبه
- 8
- خرداد
- 1398
- ساعت
- 15:22
- نوشته شده توسط
- ابوالفضل عابدی پور
- شاعر:
-
مرحوم صراف تبریزی
ارسال دیدگاه