بو گئجه عصرین امامی ایلور افغان آغلوری
ساخلیوب شام غریبان جدینه قان آغلوری
مهدی آل محمد دلده آه و نازیله
اللری قوینوندا پوزقون دیده ی خونباریله
آغلیور بو غمده اول شه سینه ی سوزانیله
خون دل گوزدن توکوب رخساره هر آن اغلوری
سنده ساخلا ای گوزوم شام غریبان داده گل
ماتم شیر خداده آغلا یان فریاده گل
تسلیت وئر اول شهه بو محنت عظماده گل
حالینه صاحب زمانین حور و غلمان آغلوری
بو اسفلی ماجراده اول شهنشاه انام
روز و شب آغلار یانار قلبینده حس انتقام
آلمینجا انتقام اول سرور والا مقام
چوللری حیران گزوب سلطان دوران آغلوری
اشک تر گوزدن عذاره بو مصیبتده الر
قلبینی پیکان غم ایلوب هدف دائم دلر
اولسا هر یرده عزاخانه یقین ایلر گذر
جدینه صاحب عزادی چون او نالان آغلوری
مین ایکی یوز ایلدی آه و زاریله مأنوس اولوب
رخت شور شینیله بو مدتی ملبوس اولوب
بو گون اوچ گوندور خصوصا وِردی حیف افسوس اولوب
ایلیوب قلبینده غم چون بحر طوفان آغلوری
گه گئدور آغلار گوزیله یثربه اول مقتدا
جدینه دردین دیوب آغلار وصی مصطفا
عرض ائدر بیر قبردن دور ای رسول کبریا
گور نئجه اوغلون اولوب زار و پریشان آغلوری
ایله یا جدا دیار کوفیه بیرجه گذر
ابن ملجم ایلین جور و جفایه قیل نظر
عترتون قویدی یتیم بیر ضربتیله مختصر
حالینه اطفالیوون جمله یتیمان آغلوری
بیر طرفده بوینی چگنینده سیزیلدار مجتبا
اود دوتوب دلدن یانار اول کشته ی زهر جفا
کثرت غمدن سارالمیش عارضی چون کهربا
زینبه باخدوقجا ایلور داد و افغان آغلوری
آغلادور کروبیانی گور بو ساعت زینبون
باشدا اوچ قاره گوزونده اشک حسرت زینبون
اوخشار آغلار مرتضایه کان عصمت زینبون
خرمن صبری اولوب بو گونده تالان آغلوری
بیرده باخ اوغلون حسینه ای حبیب لامکان
گور قالوب نه حاله یا جدا او شاه تشنگان
آغلیاندا آغلاشور سبوحیان قدّوسیان
حاملان عرش اعظم کون و امکان آغلوری
شوریله دولموش فضای کوفه بو گون سر به سر
ایلیوب کلثومیله عباسه بو محنت اثر
هر بیری بیر سمتیده آغلار بابا ایوای دیر
گه حسن گاهی حسین اولموش نواخوان آغلوری
باخ ابوالفضله باخور قارداشینه دلدن یانور
نه قبابه ناله سی عباسیوون شیون سالور
اهلبیتون ناله سی عباسیدن آرام آلور
شمس برج دینیله اول ماه تابان آغلوری
قویمیوب بو ناله لر منده بابا صبر و قرار
بیرجه گورسیدیم وئروب رخصت ظهوره کردگار
اخذ ائدردیم جدیمون قانین الیمده ذوالفقار
بو گونون فکرینده یکسر اهل ایمان آغلوری
بارالها بیز سنی وئروخ قسم پیغمبره
هم علی شاه ولایت هم بتول اطهره
زینب و کلثوم و عباسه حسین بی سره
مجتبایه چون او شه بو غمده هر آن آغلوری
وئر اجازه ظاهر اولسون حجت ابن العسکری
اشقیادن تا آلا خون علی و اکبری
هم حسینون قانینی هم خون پاک حیدری
روز و شب بو آرزوده انتظاران آغلوری
قویمیوب بو غم " #شعاع" قلبینده یا رب صبر و تاب
منتظردی صاحب عصره اولوبدور دل کباب
اصغرین قانی قالوب یرده یانار دلدن رباب
بو غم عظماده جمله نوحه خوانان آغلوری
- چهارشنبه
- 8
- خرداد
- 1398
- ساعت
- 15:30
- نوشته شده توسط
- ابوالفضل عابدی پور
- شاعر:
-
حاج غلامعلی شعاع
ارسال دیدگاه