آچ گوزون غمدن تالانمیش
زینبین دار ونداری
صرصر ظلم وجفادن
ای سولان باغ وبهاری
ویردی دنیا یارا،یاره م اوسته
سالدی قاره باشا،قاره م اوسته
یاعلی یاعلی یاعلی جان
گورنئجه قویدی بو دنیا
قاره نی زینب باشیندا
باغلییب اوّل یارانی
شیونیله دورت یاشیندا
گوز آچاندان ائله آغلادیم من
فاطمه یاره سین باغلادیم من
سس وئر ای عرشیله فرشین
لنگر وزیب وصفاسی
ای آدامسیزلار پناهی
کوفه نین سس سیز آتاسی
قوی آنام تک سینه داغلییم من
باشوین یاره سین باغلییم من
کاش آنام زهرا اولییدی
یارووه مرهم قوییدی
جنگی لر مثلی بوقانلی
کوینگون تندن سوییدی
کاش اولییدی یارون باغلییدی
بیر دویونجا سنه آغلییدی
رحم ائله باری دانیشدیر
جان زینب نور عینی
قویما بابا،بوندان آرتیق
بوینی چیگنینده حسینی
گور اورکده بو آه ونواسین
یاده سال غملی کرب وبلاسین
سینه می بو غم ده بابا
داغلارام زهرا آنام تک
کربلاده،منده یاره
باغلارام زهرا آنام تک
اورگه دیبدور آنام آغلاماقی
غم گونونده یارا باغلاماقی
آه او گونلردن که گوررم
غرق خون نور دو عینی
ائوده قارداشیم حسن یا
کربلاده بو حسینی
سینه می داغلارام منده بابا
چوخ یارا باغلارام منده بابا
دوت الیمدن یاالهی
تا یئته بو جان حسینه
"هاتفین"بو خسته جانی
کاش اولا قربان حسینه
یاعلی ذکری دائم دیلینده
کاش ئوله شعر ودفتر الینده
- پنج شنبه
- 9
- خرداد
- 1398
- ساعت
- 12:54
- نوشته شده توسط
- ابوالفضل عابدی پور
- شاعر:
-
سعید حضرتی (هاتف)
ارسال دیدگاه