امدادیمه گل باتدی آتان قانه حسنجان
بیلدیرمه قیزیم زینب نالانه حسنجان
گل قویما منیم راز و نیازیم سینا اوغلوم
سوزشلی اولان سوز و گدازیم سینا اوغلوم
ئولسمده منیم قویما نمازیم سینا اوغلوم
سعی ایله یئته عشقیله پایانه حسنجان
قلبیمده اولان غصه لریم یئتدی تمامه
باشیم یاریلوب باتدی قیزیل قانه عمامه
اللهه قسم حیدر آتون یئتدی مرامه
قربان ائلدیم جانیمی جانانه حسنجان
حق اوسته بالا جانیمی من ایلموشم بذل
محرابیده القانه بویانماقدی منه فضل
قویما ال آچا قاتلیمه اوغلوم اباالفضل
وئر تسلیت اول بحر خروشانه حسنجان
گُل آچدی بوگون سجده ده عشقیله علاقم
ایللر بویودی دردکش درد فراقم
سن زینبه حالی ائله زهرایه قوناقم
باش ساغلیقی وئر قلبی پریشانه حسنجان
آز قالدی چاتا مقصد و مقصودینه حیدر
مظلوم،ستمدن قوتاروب جان وئرور آخر
تنها بودی دردیم بالا تک قالدی یتیملر
مندن صورا اول حامی یتیمانه حسنجان
غم یاغدی بنی هاشمه اوغلوم دوت الیمدن
باخما سر خون پاشیمه اوغلوم دوت الیمدن
کوفه دولانور باشیمه اوغلوم دوت الیمدن
اول الده عصا حجت یزدانه حسنجان
ایله بالا بو کوفه نون ایتامینه خدمت
تا قلب لرینده یارانا مهریله رأفت
آل علیه ساخلیالار دهریده حرمت
داش آتمیالار نیزه ده مهمانه حسنجان
- پنج شنبه
- 9
- خرداد
- 1398
- ساعت
- 13:7
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه