قاب قوسین ئوزیده قدروه حیراندی علی
سر و جان و تنی نیلور او که عاشقدی سنه
ایکی زیبا قاشوا هر اوچی قرباندی علی
بیر ردیفه دوزولوب لشکری کیپریکلروون
او ردیفه یاراشان قافیه قرآندی علی
بش نبی عشقویلن دولدوروب احسان قدحین
دورد ملک مصطفوی سفروه مهماندی علی
نصف شب سجده‌ده هاتفدن ائشتدیم که دیور
سنی مرآت ائلین روحینه، سبحاندی علی
قرنلردور که ائدوب خنجروون برقی غروب
عمرلردور که عدالت اورگی قاندی علی
عالمین ملکینه بیر مالک اشتر گوندر
باطل اجرالر الیندن اورگیم یاندی علی
«شاهیم» من بالاوون مرثیه‌خوان نوکریم
رهبریم مرشدیم اول مالک و منّاندی علی
گرچه مورم سیزه وابسته‌یَم ای میر اُمم
سیزه وابسته اولان مور، سلیماندی علی
نیه باج ایستمسون یدّی سمادن اورگیم
اللّی ایلدور بو سینیق قلبده سلطاندی علی
- پنج شنبه
- 9
- خرداد
- 1398
- ساعت
- 13:58
- نوشته شده توسط
- ابوالفضل عابدی پور
- شاعر:
-
عسگر شاهی اردبیلی
ارسال دیدگاه