مرتضی باشینه دگدی یاره
اولماوی بیر بئله درده چاره
گوزلرون دهریدن یومدی مولا
عالم اهلی بوگون گیدی قاره
یاعلی یاعلی یاعلی جان
یاعلی یاعلی یاعلی جان
گرچه محکوم اولوب شیعه صبره
گوز یاشی دوندی باران ابره
مرتضی یاره لی گیتدی قبره
جان فدا اول سر زخمداره
یاعلی یاعلی یاعلی جان
یاعلی یاعلی یاعلی جان
یاندی عالمده نخل عنایت
اولدی لرزان ستون عدالت
تُپراقا گیتدی کنز کرامت
اف اولا بیر بیله روزگاره
یاعلی یاعلی یاعلی جان
یاعلی یاعلی یاعلی جان
قاره پوش اولدی یکسر فلک لر
تاجینی گوتدی باشدان ملک لر
لخته قان اولدی غملی اورک لر
آغلاشوب ماهه یکسر ستاره
یاعلی یاعلی یاعلی جان
یاعلی یاعلی یاعلی جان
دیگ غم دلده چون جوش ایدوبدی
شهد مرگی آقا نوش ایدوبدی
باد غم شمعی آغوش ایدوبدی
یاندی پروانه لر درد ناره
یاعلی یاعلی یاعلی جان
یاعلی یاعلی یاعلی جان
لعنت اولسون سنه ابن ملجم
وورمیسان نظم اسلامی برهم
گیدی عالم بوگون رخت ماتم
دوتدی ماتم همین شهریاره
یاعلی یاعلی یاعلی جان
یاعلی یاعلی یاعلی جان
آچدی معناده باشین پیمبر
وای عم اوغلی دیدی شاه محشر
فاطمه باغلادی قاره معجر
خلقته آغلیوبدی عصاره
یاعلی یاعلی یاعلی جان
یاعلی یاعلی یاعلی جان
گویلره ووردیلار قاره پرچم
آغلاشوب اهل معنا دمادم
اشگ ماتم توکوب اهل عالم
یاس دوتوب حجت کردگاره
یاعلی یاعلی یاعلی جان
یاعلی یاعلی یاعلی جان
- پنج شنبه
- 9
- خرداد
- 1398
- ساعت
- 14:8
- نوشته شده توسط
- ابوالفضل عابدی پور
- شاعر:
-
محمدرضا بیگلی
ارسال دیدگاه