باتوب قانه مسجد کوفه
میر مومنان ئولدی
یاریب باشین خنجر عدوان
خیبری یخان ئولدی
تسلیت رسول الله
تعزیت رسول الله
یخیلدی محرابیده حیدر، باش یارا اورک یاره
مسیح شیعه عروج ایتدی، چکدیلر اونی داره
ورور باشه کوفه نون اهلی، آغلوری او بیماره
یتیملردن سس گلور الله، ایلین احسان ئولدی
دیور زینب جان بابام لای لای، دلبره قوناق گیتدون
قولی پهلوسی سینان زهرا، مادره قوناق گیتدون
رسول الله گوزلیو سنی، سروره قوناق گیتدون
چکولدی قاره سمالرده، سید جنان ئولدی
حسن سسسلور قهرمان بابا، قلبیمی بو غم دلدی
حسین سویلور غمکش دوران، قبر ایوینده دینجلدی
آنا زهرا غم یمه مادر، یانیوه بابام گلدی
بهشته گل پیشواز ایله، زینت اذان ئولدی
یواشجه آغلور ابوالفضلِ، با ادب وفاسیندن
قاریشمور زهرا بالاسینه، عفت و حیاسیندن
اورکدن ناله ایدور عباس، دشمنون جفاسیندن
دیور یارب جنگیلر شیری، صفلری پوزان ئولدی
بو غمده شیعه عزا ساخلار، باشینه قرا باغلار
هامی سسلر یا علی حیدر، قلبینی بودم داغلار
قرا گیموش اگنینه (پویا )، سینیه وروب آغلار
دیر یارب ناطق قران، لنگر زمان ئولدی
- پنج شنبه
- 9
- خرداد
- 1398
- ساعت
- 14:10
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه