بوگجه لطف خدادن بو جهان پر نور اولوب
بیر بالا دنیایه گلدی شیعه لر مسرور اولوب
اختروشمس وقمردی چشم دشمن کور اولوب
نورونی گورجاق شیاطین غصه دن رنجوراولوب
قرص ماه تکمیل اولاندا نیمه ماه صیام
بیر بالا دنیایه گتدی دختر خیرالانام
بوگجه شاداندی زهرا اهل دل هم شاد اولار
باغ دین بو گُل که آچدی عطرینه آباد اولار
شیعه لر غم غصه دن فرقت تاپار آزاد اولار
بو گجه عزت یاراندی سوز مبارک باد اولار
قرص ماه تکمیل اولاندا نیمه ماه صیام
بیر بالا دنیایه گتدی دختر خیرالانام
قُل هواللهُ احددن مظهر فیض صمد
صنع رحمان و رحیم و قادرو حی واحد
عطریلی گُل دی گلستان بتوله سر سبد
صلح ایدر تا زنده قالسون دین و قرآن تا ابد
قرص ماه تکمیل اولاندا نیمه ماه صیام
بیربالا دنیایه گتدی دختر خیرالانام
تا حسن گلدی گتوردی عالمه ویردی سرور
تا قاروشدی نور نوره عالمی دولوردی نور
بو گجه بیت علیده وار نقدری شعف و شور
وجده گلموش ساکنان عرش و حوران قصور
قرص ماه تکمیل اولاندا نیمه ماه صیام
بیر بالا دنیایه گتدی دختر خیرالانام
سبط اکبردی رسوله پیشوا دور با سخا
یوسف مصر دل آرای محمد با حیا
نور چشم فاطمه ختم رسول شاه هُدا
هرگوزلدن بو گوزلدی هم حسن هم مُجتبی
قرص ماه تکمیل اولاندا نیمه ماه صیام
بیر بالا دنیایه گتدی دختر خیرالانام
روزه داران بو آیون مولودونا وار دور سبب
تابع امرخدا سوز واردی سیزده چون ادب
ایلییون افطاروزی« عدلیله» با هم شهدلب
چونکه افطار رُطب بو آیدا اولموش مستحب
قرص ماه تکمیل اولاندا نیمه ماه صیام
بیر بالا دنیایه گتدی دختر خیرالانام
- شنبه
- 1
- تیر
- 1398
- ساعت
- 15:24
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه