شرف کون و مکان رهبر احرار حسن
سرور باغ جنان مفخر ابرار حسن
روح پیغمبر و بند دل زهرای بتول
اولیا زمره سینه دلبر و دلدار حسن
چارم اهل کسا گل یوزی چون شمس ضحی
دومین حجت حق عاشق دادار حسن
سر سبد باغ جنان گللرینه شاه نجف
فخر مولا ثمر احمد مختار حسن
قویوب آوازه سی حیرتده هامی آفاقی
صدف خلقت آرا درّ گهر بار حسن
قلم اشجار اولا دریالر اولا رنگ دوات
منشیلر ثبت ایده جک سید و سالار حسن
یوسفین حسنی اگر مصریده آوازه ایدی
حسن زیباسی اولان شُهره ی بازار حسن
آل طاهاده کریم الکرمادور لقبی
یازیلان وصفینه مین صفحه و طومار حسن
قُلّه ی عز و شرف اوج سعادتدی حسن
تحت حکمینده اولان ثابت و سیّار حسن
قلم قاصریله وصفینه یازدیم بو سوزی
دورینه طوف ایلین گنبد دوار حسن
یل میدان شجاعت شرف اهل ولا
دیل قوی حمله ده چون حیدر کرار حسن
صوت تکبیری سالان لرزیه استبدادی
الده کی حَربه سی چون تیغ شرر بار حسن
عرصه نی تنگ ایلین جنگیده کفاریلره
صحن پیکاریده چون حمزه نمودار حسن
باب احسانی آچیقدور هامیا صبح و مسا
دردمندانه اولان رافتیله یار حسن
کیم دخیل اولسا اگر درگه والاسینده
اونا لطف ایلیه جاق شاه کَرمدار حسن
دئنه گر حاجتون اولسا ایلیر درده دوا
بذل ایدن سائلینه دولت بسیار حسن
دردی گیزلینلره درمان ایلیر ظاهرده
دکتر حاذق و هم واقف اسرار حسن
ای ولایت قاپوسیندا یاشیان اولما ملول
روز محشرده اولار شیعیه غمخوار حسن
( #ثاقبا) گلشن زهراده گوزل گوللر وار
گلشن فا طمه ده زینت گزار حسن
- شنبه
- 1
- تیر
- 1398
- ساعت
- 15:30
- نوشته شده توسط
- ابوالفضل عابدی پور
- شاعر:
-
کربلایی فخرالدین اسکندری
ارسال دیدگاه