• جمعه 10 فروردین 03


مدح و میلادیه حضرت امام حسن مجتبی علیه السلام -(ای اولان کان کرامت، ائوین آباد حسن)

763
2

ای اولان کان کرامت، ائوین آباد حسن
سنبل جود و سخاوت، ائوین آباد حسن


اللروندن اوپه شه لر، توکولوب ساحتیوه
صبر حیرتده قالوب، رنجه اولان طاقتیوه
کرم و جود رداسی بیچیلیب قامتیوه
چون علی خوش قد و قامت، ائوین آباد حسن


گوزلرون عین شوه، مست و خمار و خسته
قاشلارون طاقی بیتیب بیر بیرینه پیوسته
اون ایکی اولدوز ایچینده کرمون برجسته
اولموسان حق و به علت، ائوین آباد حسن


حسنوی خالق ایزد، آیا منت یارادیب
کرم و جود و سخانی سنه زینت یارادیب
اوخشادیب ماه جماله بیزه جنت یارادیب
ای اولان بانی جنت، ائوین آباد حسن


دست صورتگر بی ریب و ریای ازلی
گور نه قدرتله چکیب حسنوی که یوخ مثلی
قاریشیب بیر بیره زهرا و محمّدله علی
بو نه خلقت نه ولادت، ائوین آباد حسن


مجتبی جود و کرم کشورینین سلطانی
ملک روح الامین درگهینین دربانی
یاس پرپرله دولی گوزلرینین ایوانی
قلبیمی بولدی بو محنت، ائوین آباد حسن


نظر لطفیوه محتاج هامی عالمدی
سنده جمع اولموش هامی حسن جهان باهم دی
صاغ یوزونده قره خال عاریه خاتم دی
سنده دی بیر بئله وجهت، ائوین آباد حسن


«هاتف» عاصی گدای در احسانوندی
یوز قویوب درگهیوه، دست به دامانوندی
لب تر ائتسون گورَسَن که نئجه قربانوندی
سن فقط ائیله اشارت، ائوین آباد حسن


  • شنبه
  • 1
  • تیر
  • 1398
  • ساعت
  • 15:35
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران