گل باغ یاسمن دلبند زهرا
سرو گلزار و چمن دلبند زهرا
مولا نور لم یزلسن
گولدن گوزلیم گوزل سن
جانم مولا حسن جان
جانم مولا حسن جان
حیدره نور بصر فرزد ارشد
نام زیباسی حسن الطاف سرمد
زینت آغوش زهرا و محمد
مه لقا غنچه دهن دلبند زهرا
مولا گل باغ طاها
مولا شه ملک تقوا
جانم مولا...
نیمه ی ماه صیام تاپدی ولادت
قدسیان گلدی ایدوب عرض ارادت
صورتینده جلوه گر نور ولایت
مجتبی وجه الحسن دلبند زهرا
مولا حجت تبارک
مولا مقدمین مبارک
جانم مولا...
مصطفی خرسند اولوب آلدی قوجاقه
باخدی خورشید جهان مشعل طاقه
لبلرین قویدی او یاقوتی دوداقه
بویوروب فخر زمن دلبند زهرا
مولا ملک دین امیری
حقین یاور و نصیری
جانم مولا...
غرق نور اولدی گنه شهر مدینه
شیعه نون جانی فدا بو مه جبینه
بودی سردار امین لشگر دینه
دین حقه جان و تن دلبند زهرا
مولا ای گل بهاره
مولا جلوه لی ستاره
جانم مولا...
نه گوزل صورتی وار سردار عشقین
مه کیمی طلعتی وار سردار عشقین
عزت و شوکتی وار سردار عشقین
رهبر شیرین سخن دلبند زهرا
مولا جنتین شبابی
مولا دینون آفتابی
جانم مولا...
- شنبه
- 1
- تیر
- 1398
- ساعت
- 15:42
- نوشته شده توسط
- ابوالفضل عابدی پور
- شاعر:
-
رضوی زنجانی
ارسال دیدگاه