• پنج شنبه 9 فروردین 03

حاج علی پور علی

شعر ترکی ضربت خوردن حضرت امیرالمومنین علیه السلام -(الله الله شاه خیبر)

869

الله الله شاه خیبر
کوفه ده قانه بویاندی
سجده دن باش قوزیاندا
فرق حیدر پارچالاندی

دین یتیم اولدی باور یخیلدی
قانلی محرابه حیدر یخیلدی




ئولدی ایمانین پناهی
سیندی دینین تکیه گاهی
هیکل قرآن یخیلدی
تیتردی عرش الهی
گلدی فریاده پیمبر
ئولدی دینین سرسپاهی

دین یتیم اولدی باور یخیلدی
قانلی محرابه حیدر یخیلدی




تیغ کین ابن ملجم
بولدی فرق مرتضانی
پارچالاندی فرق مولا
سجده گاهه آخدی قانی
اولدی محراب عبادت
باش قانیندان ارغوانی

دین یتیم اولدی باور یخیلدی
قانلی محرابه حیدر یخیلدی




ئولدی قرآن جانفداسی
آیت سبحان یخیلدی
باشه قاره سالدی زینب
ناطق قرآن یخیلدی
حیدرین باشلاندی یاسی
خانه ی ایمان یخیلدی

دین یتیم اولدی باور یخیلدی
قانلی محرابه حیدر یخیلدی




قانینه غرق اولدی حیدر
غم عدالتدن باج آلدی
راحت اولدی شاه مردان
باشینه قاندان تاج آلدی
کوفه ده ویرانه لردن
ناله افلاکه اوجالدی

دین یتیم اولدی باور یخیلدی
قانلی محرابه حیدر یخیلدی




سینه لرده قانه دوندی
داغ حیدردن ئورک لر
فاطمه قاره گییندی
باشه سالدی قاره معجر
بی غذا قالدی یتیملر
ئولدی حیدر ئولدی حیدر

دین یتیم اولدی باور یخیلدی
قانلی محرابه حیدر یخیلدی



  • یکشنبه
  • 2
  • تیر
  • 1398
  • ساعت
  • 11:18
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 1.28 MB
تعداد بازپخش 36
تاریخ بارگذاری یکشنبه 2 تیر 1398 02:19
عنوان : با صدای حاج نادر جوادی_اردبیلی

ارسال دیدگاه



ورود با حساب گوگل

ورود کاربران