دنيايه ايليوبدى ازل پشت رو على
وئردى جهاندا شيعهلره آبرو على
ساقىّ لم يزل اونى سيراب ائدوب ازل
علّت اودور كى ساقى كوثردى بو على
ظلمت زمانى كعبهده گوز آچدى عالمه
عشق عالمين منوّر ائدوب ماه رو على
حبل المتين و حصن و حصيندور محبّتى
جنع محبّه معنى لاتقنطوا على
دريالر اولسا فرضاً اگر بير سبو فقط
شأن و شرافتنده اولار مين سبو علی
اللَّه على ديليجه دانشدى پيمبره
معراجيده گوروبدى ائدور گفتگو على
چوخلار دئدى خليفه منم، ائتمدى عمل
اجراء ائدوبدى امر حقى موبهمو على
چوخلار چالشدى دينله قرآنى محو ائده
قرآن و دينه وردى ولى رنگ و بو على
ايرمىبش ايل اُتوردى ايوينده دانشمادى
صبر ائتدى قُوم گوزينده سوموك در گلو على
هيچ كسده جرأت اولمادى عدليله ايش گؤره
عدليله ايلدى ستمى زير و رو على
قاسمدى نار و جَنّته چون حُبّى جُنّهدى
جِنيّله اِنسه رهبر اولوب نيك خو على
چوخ عاشقيدى يايدا اوروج توتماقا آقا
لذّت ائدردى قشدا آلاندا وضو على
اوندوقوزونجى آخشامى ماه صياميده
چوخ چوخ ائدوردى ئولمگينى آرزو على
صبحين زمانى گلدى چخوب بام مسجده
دلدارى نصف شبده ائدور جستجو على
لحن حجازيلن شه مردان اذان ديوب
اى كوفيان نمازه دئدى عجّلوا على
گلدى هامى نماز جماعت شروع اولوب
دوردى نمازه كعبيهلن روبرو على
عطريله مشك و عنبر علىدن آلوبدى ايى
مشغول اولوب نمازينه اول مشكبو على
شمشيرى ابنملجم ايكى الّى قوزادى
باش سجدهدن گؤتوردى ولى ديلده هو على
لال اول دليم دئمهنه اولوب عرش تتردى
باشدان يارالانوب اوزمان حق گو على
فُزْتُ بِرَبِّ كَعْبَه دئدى عالم آغلادى
محراب ايچنده قانه باتوب مشكمو على
تا واردى ابنملجمه لعنت ديير «بشير»
تا قلبين عشقيلن ائليه شستشو على
- دوشنبه
- 3
- تیر
- 1398
- ساعت
- 14:7
- نوشته شده توسط
- ابوالفضل عابدی پور
- شاعر:
-
سیدبشیر حسینی میانجی
ارسال دیدگاه