ای گوزوم روان ایله اشکیوی
مرتضی علی ماجراسینه
باخ ئورک گوزیله او سرورون
باشدا کی ساغالماز یاراسینه
ایلیوب ازلدن خدا ئوزی
بو علینی مولای مومنین
ایلیه اطاعت گرک بونا
دین حقی هر کیم ایده یقین
طاعتین قبول ایلمز بونون
هر کیم اولسا جزء منافقین
سویمین علینی گیدوب باخا
اصل و شأنینه هم آناسینه
ایسدیوب بو دنیانی ترک ائده
اشرف رُسُل ختم انبیا
سویلدی وصییمدی بو علی
سیزلره بو عالمده مقتدا
رستگاریسوز هم سعیدسوز
گر سیزه علی اولسا پیشوا
ایلرم وصیت مطیع اولون
هم اوزی هم اون بیر بالاسینه
اُف اولا جهانون وفاسینه
لعنت خدا بیله امّته
قویمیوبلا حرمت پیمبره
اعتنا اولونموب وصیته
گئچمیوبدی اوچ گون منافقین
اهل بیتنی سالدی زحمته
اجر و مزد پیغمبری ویرن
امتون باخون بیر وفاسینه
ثانیِ جفا پیشه ایلیوب
ئوز جفاسینی کفرین آشکار
قصد ائدوب علی خاندانینی
بیر جماعتیلن او نابکار
نیلیوب او قصدینده بولمورم
اهل عالمی ائتدی بیقرار
حقّیدن گئچوب عاق ایلیوب
مسلمینی اوز مقتداسینه
اود ویروب علینین قاپوسینی
یاندیروب او بی شرم و بیحیا
قورخمیوب خدادن یخوب یره
دویدولر عیالین باخا باخا
فاطمه یارالاندی محسنی
سقط اولوب شهید اولدی برملا
قویمیوبلا حرمت پیمبره
باخمیوبلا آه و نواسینه
گوردوله علی آچمادی الین
حکم ائدوبدی بیشرم امته
باغلیون علی قوللارینی سیز
مسجده چکون امر بیعته
بوینونا سالون ایپ دایانمیون
تا علی گله تحت ذلته
مسلمینی تک بیعت ایلیه
امتون بو گون پیشواسینه
بولمورم نه ذلتله ای خدا
مرتضی علینی آپاردیلار
شرح ائدم اگر وضع حالینی
خامه و قلم اود دوتار یانار
عرش و فرش دوشدی تزلزله
روح مصطفی اولدی بیقرار
شیر لم یزل دوزدی صبره باخ
روبه دنی ناسزاسینه
یوخ دیلیمده قدرت بیان ائدم
حجةاللَّهَه یوز ویروب نلر
ظلم الیله خانه نشین اولوب
نه چکوب علی بیر خدا بُولر
باغری غصه دن باغلیوبدی قان
روحینه یتوب دمبدم کدر
هر قدر غم و غصه یوز وئروب
صبر ائدوبدی الله رضاسینه
گچدی یرمی بش ایل بو نحویلن
ظاهری خلافت گلوب اله
بی وفا اولوبدی کومکلری
گون بگون دوشوب امری مشگله
بسکه اینجیدوب ئوز رعیتی
شاه دین گلوب عاقبت دیله
سویلدی گوروم من ، خدا سیزی
مبتلا ائده ئوز بلاسینه
ظاهراً بش ایل شهر کوفه ده
مسلمینه اول شه امیر اولوب
اول قَدَر غم و غصه یوز وئروب
قلبی لاله تک قانیلن دولوب
غصه دن آغاردی محاسنی
رنگی گون بگون گول کیمی سولوب
سوزلرین گئدوب چاهه گَه دیوب
گَه دیردی دردین خداسینه
اول قدر مصیبت ویروبدی یوز
تنگه گلدی سلطان اولیا
هاردا بس قالوبدور دیردی هی
زادۀ یهودیه ای خدا
ظاهر ایلیوب اوز جنایتین
هم شقاوتین اَشقَی الاَشقیا
ائتدی بیر جفا دلده تاب یوخ
شرح تا وئرم ماجراسینه
مکریله او شاه دلاورین
باشینه ویروب تیغ زهردار
کارگر اولوب یاره نطقدن
سالدی اول شهی گئتدی اختیار
بولمورم یوز اوسته نجه دوشوب
توپراق اوسته اول صاحب وقار
سویلدی خلاص اولدوم آند اولا
کعبه نون او یکتا خداسینه
بیر یارا علی باشینه یتوب
اختیار آلوب نطقدن سالوب
بُلمورم حسین بس نجه دوزوب
قوم اشقیا دوره سین آلوب
هم اوزی سوسوز هم گون ایستسی
قوملار اوسته بی اقربا قالوب
یاره جسمینه هر گلن ووروب
اهل کوفه نون تف حیاسینه
جدّیوون غمینده صباح و شام
آغلاسان یری واردی «شوریا»
صاحب کرمدی دئ دردیوی
شاه اولیا ایلسین دوا
عرض قیل خدا بیتین ایسترم
هم مزاریوی قیل منه عطا
شوق مندیدور یار و یولداشیم
اوغلوون گوزل کربلاسینه
- دوشنبه
- 3
- تیر
- 1398
- ساعت
- 14:16
- نوشته شده توسط
- ابوالفضل عابدی پور
ارسال دیدگاه