سنی درد اهلی دمادم چاغیرور داده علی
سنی زهرایه قسم گل ئوزون امداده علی
ای یارالی سلطانیم
قاخدی گویه افغانیم
رحم ائله باخ نوکرووه
آدووه قربان جانیم
جان آقام /سنه قربان آقام/ای شه مردان آقام
شیعه سن قورخما دئنن تکیه کلامیمدی علی
کوری دشمن حیدر کی امامیمدی علی
عالمون سن رهبری سن
حاتمون سن سروری سن
سن خدا گر چه دیوسن
ولی الله بنذری سن
جان آقام /سنه قربان آقام/ای شه مردان آقام
رحم ائله عالمون ای باشی یارالی آقاسی
آغلادار حشره کیمی عالمی باشون یاراسی
یوخ آقا اِلا ، حیدر
یِر گویه مولا حیدر
صبح و مسا شیعه لرون
سسلیه جک یا حیدر
جان آقام /سنه قربان آقام/ای شه مردان آقام
آدوون عاشقیووک ای شهِ شایسته شَرف
کعبه دَن باشدی بیزه گُنبد ایوان نجف
قبرووی گل قسمت ائله
عاشقووی دعوت ائله
قیمتی آز نوکرووی
نوکر پُر قیمت ائله
جان آقام /سنه قربان آقام/ای شه مردان آقام
- سه شنبه
- 4
- تیر
- 1398
- ساعت
- 12:1
- نوشته شده توسط
- ابوالفضل عابدی پور
- شاعر:
-
رامین محمد زاده
ارسال دیدگاه