يتوبدی آخره نفس قزيم منيم گورورم
چوخالادی سوزش يارام دايان غمه اولورم
عزيز آل عبا
بوقدری ايتمه نوا
سالورسان اود ياراما
دايان غمه ئولورم
اگرچه باغلاديلار عدوی دین اليمی
اولن زماندان آنان اگوب محن بليمی
قويولارا ديموشم اولان غم ديليمی
گویول ايستور كه اينان
كاش كه قاليدی آنان
اورك غمين آلان
دايان غمه ئولورم
تمام خلق اولونان قزيم بيرگون اُله جاق
قيامت عالمينه گُوله گُولَه گَلَه جاق
حسينه خادم اولان مقامونی بوله جاق
كاش كربلا اُولميه
قاندان اودشت دولميه
حسين اوردا ئولميه
دايان غمه ئولورم
✔️ جواب حضرت زینب سلام الله علیها
باشون قانی نقدر گوزه يوزه سوزولور
اجل تری او گوزل محاسنه دوزولور
مشكل آچان الدن اليم منيم اوزولور
عمرون گلی سولوری
قلبيم غمه دولوری
زينب يتيم اولوری
ديمه بابا ئولورم
باشون يارسی بابا توانون الدن آلوب
او ملجمون بالاسی سنی بو حاله سالوب
دوگورحسين بابا جان نه حالته قالوب
عمرون باشا چاتوری
غمی غمه قاتوری
هجران داشی آتوری
ديمه بابا ئولورم
گوزون فداسی گوز آچ بير باخ سولان يوزومه
قولاخ وير ايندی منيم بو دلده كی سوزومه
زبس كه آغلاموشام دولوبدی قان گوزومه
گوزوم ياشين اَلرم
سن اولماسان نيلرم
آهو كيمی مَلرم
بابا ديمه ئولورم
- سه شنبه
- 4
- تیر
- 1398
- ساعت
- 12:5
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه