• پنج شنبه 9 فروردین 03

 سیدبشیر حسینی میانجی

شعر ترکی شهادت حضرت علی (ع) گریز به عباسیه شهادت -(فرشیده بیر ظلم اولوب عرش معلاّ تیتردى )

556

فرشیده بیر ظلم اولوب عرش معلاّ تیتردى 
بیر مصلّى دوشدى توپراقه مصلاّ تیتردى 

مرتضی ائودن چیخاندا دامنین دوتدى قاپى 
یالواروب معناده گئتمه اهل معنا تیتردى 

کوچه‌ده قوشلار قاباقلادى او صمصام حقى 
گوردى امّ کلثوم اُول حالى سراپا تیتردى 

قوش نه قوش اونلار ملکدى یالوارور گئتمه على 
دیلّرى‌جک سویله‌دى انّا فتحنا تیتردى 

هر زادین فکرین آتوب باشدان به جز عشق وصال 
حیدرین عشقینده حیران اولدى حورا تیتردى 

عازم اولدى دلبر و دلدارینون دیدارینه 
آدّمین آتدوقجا آغلادى بو غبرا تیتردى 

مسجدین اوسته حجازى لحنیلن وئردى اذان 
تا دئدى اللَّه و اکبر کلّ دنیا تیتردى 

لحنینه غبطه ائدوب داود خوش الحان او دم 
مات ائدوب راحیلى، حتّى روح عیسی تیتردى 

وارد محراب اولوب عشقیله فتّاح الحُروب 
نورینون گؤردى تجلاّسینى موسی تیتردى 

بیلمدى محرابدور یا طور سینادور او یئر 
گوئیا اَرْنى دئدى ائتدى تمنّا تیتردى 

باشلادى معراج عشقین حیدر دلدل سوار 
شوقیدن اُول «قابَ قَوْسَینَ اَوْ اَدنى» تیتردى 

گلدى کوفه اهلى باشلاندى جماعتلن نماز 
ماسوى‏اللَّه قلبى گلدى درده یک‌جا تیتردى 

صف چکوب معناده بیر عدّه ملک مأموم اولوب 
ایلدى بیر عدّه‌ده گؤیدن تماشا تیتردى 

بعضى سؤیلوردى که حیف اولسون او قدّ و قامته 
قدسیان کرّوبیان غمدن هویدا تیتردى 

بعضى سویلوردى نماز آخرین ایلور ادا 
آخرین نیت ائدنده دست بیضا تیتردى 

تا اگوب قدّین على ائتسین رکوع آخرین 
گلشن و گلزاریده هر سرو رعنا تیتردى 

اوّلین سجده قوتولدى، شه ایکمجى سجده‌ده 
ذکر ائدوب سُبحانَ ربّى روح طاها تیتردى 

قووزیاندا باشینى باش آشدى حوراى جنان 
باشه ووردى بى گمان جنّتده زهرا تیتردى 

اى دیلیم لال اول دئمه واضح نه اولدى اول زمان 
چون مجسّم ایلدیم جسمیمده اعضا تیتردى 

ابن ملجم ایکى الّى قؤزادى شمشیرینى 
ایله‌دى اوندا تزلزل دشت و صحرا تیتردى 

نعره چکدى ووردى ظالم تیغ زهرآلودینى 
جنگ خندقدن قالان زخم مسمّی تیتردى 

آى کیمین منشقّ اولوب باشى سوزولدى قان یوزه 
گول جمالى قانیلن اولدى محنّا تیتردى 

جبرئیل سسلندى آى مردم بیلون ئولدى على 
قان ایچینده بو سوزى ذکر ائتدى مولا تیتردى 

کعبه‌نین آللّهینه آندا ولسون اولدوم رستگار 
قاره گییدى کعبه هم اُول چرخ خضرا تیتردى 

تیتردى داغلار، تلاطم ایله‌دى دریاى غم 
آشنالر آغلاشوب مسجدده اعدا تیتردى 

تا خبردار اولدى مولانین گوزل اوغلانلارى 
آلدیدلار دورین او دمده قانلى مأوا تیتردى 

باشینى آلدى دیز اوسته مجتبی‌سى باغلادى 
آغلادى مظلوم حسین ابر شکیبا تیتردى 

چکدى شمشیرى غلافیندن ابالفضل رشید 
غیرتیندن سرو تک اسدى او سقّا تیتردى 

امر ائدوب شیرخدا، چکمه هله شمشیریوى 
گوئیا عبّاس تک شمشیر بُرّا تیتردى 

یعنى چکمه تیغوى احیاده، عاشوراده چک 
کئچدى اون دوقوز ایل اولدى روز غوغا تیتردى 

روز عاشورائیدى احیا گونون یاده سالوب 
غیضیلن شمشیر چکدى، قوم ادنی تیتردى 

گه دیورى یاعلى سندن مدد گه یاحسین 
حمله ور اولدوقجا حتّى سنگ صخرا تیتردى 

فورى فتح ائتدى فراتى، چوخ سوسوزلوقدان اونون 
پارچالانمیش لب لرینه باخدى دریا تیتردى 

دریا قورتولمازدى ایچسیدى ولیکن ایچمه دى 
اووجونى دولدوردى توکدى دست یمنا تیتردى 

سویلدى اصغر سوسوزدى من ایچه بولمم سویى 
عکسینى گؤردى سودا اُول چشم زیبا تیتردى 

مشکینى لبریز ائدوب قصد خیام ائتدى، ولى 
سالدیلار قولاّرینى، تلّ اوسته آقا تیتردى 

اوخ وروبلار مشکینه اوخلاندى گویا صاغ گوزى 
حشر صغری گورسنوبدور حشر کبری تیتردى 

مرتضی نین باشى تک باشى بولوندى عاقبت 
حضرت زهرا گلوب معناده گویا تیتردى 

باخدى عبّاسین یاریلمیش باشینه ووردى باشا 
سسلدى ای واى ابالفضل واحسینا تیتردى 

کربلا شاهى گلوب قویدى بئلینه اللّرین 
وای دئدى سیندى بئلیم اول شاه بطحا تیتردى 

اى وزیریم شاهیوى دور قویما تک میدانیده 
باخدى شاهه اول وزیر ماه سیما تیتردى 

سؤیله‌دى عفو ائت منى قارداش خجالت اولموشام 
تا ائشتدى بو سؤزى شاه دل آرا تیتردى 

درد دل ائتدى گونیلن آى، اُفول ائتدى قمر 
گلدى اولدوزلار نوایه چرخ مینا تیتردى 

فاطمه باخدى ایکى قارداشه بیردن آغلادى 
ناله سین جنّتده آلدى جسم لعیا تیتردى 

آیریلوب گلدى خیامه ییغدى باشه عترتین 
خیمه‏ى عبّاسه گلدیلر او مأوا تیتردى 

پایه سین چکدى داغیلدى خیمه، قیزلار آغلادى 
زینب ای واى سسلدى دنیا و عقبی تیتردى

هامّوسى بیردن دئدى ائومیز یخلدى یاحسین 
باخدى حسرتلن حسینه پیر و برنا تیتردى 

گوردى زینب حالى پوزقوندور حسینون صبر ائدوب 
سؤیله دى سن آغلاما عالم سراپا تیتردى 

ئولمیوبدور زینبون قارداش گوتورّم پرچمى 
من سنون اولاّم علمدارون، صبایا تیتردى 

بو گئجه روحُ‌القدس اولدى «بشیر»ه هم سخن 
کلک لطفیلن بو شعرى ائتدى امضا تیتردى

  • سه شنبه
  • 4
  • تیر
  • 1398
  • ساعت
  • 12:18
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران