بی پناهانین پناهی
قانه دوندی سجده گاهی
کعبه ده دنیایه گلدی
مسجد اولدی قتلگاهی
مسجد و منبر دیدی
ایوای علی ایوای ...
مسجده گلدی او کافر
تیتردی قلب پیمبر
بی حیا دوردی نمازه
آغلادی محراب و منبر
زهریلی خنجر دیدی
ایوای علی ایوای
اوّل صفده دایاندی
مسجد و منبر اوتاندی
ویردی بیر ضربه قفادن
سجده ده باش پارچلاندی
عرشیده داور دیدی
ایوای علی ایوای
فرقینه تا دگدی ضربت
تیتردی ارکان خلقت
سس گلوب عرش خدادن
سولدی گلزار ولایت
آغلادی گویلر دیدی
ایوای علی ایوای
ویردی دینون ناخداسین
قانه باتدی آغ محاسین
فزت رب الکعبه دیلده
حق قبول ایتدی دعاسین
سجده ده حیدر دیدی
ایوای علی ایوای
دوشدی شمس دین کسوفه
قالدیلار ایتام کوفه
آغلادی گویده ملکلر
او شهنشاه رئوفه
عرشیان یکسر دیدی
ایوای علی ایوای
بیر طرفده زینب آغلور
مجتباسی یاره باغلور
بیرطرف مظلوم حسینی
دیزلرین آغلار قوجاقلور
تیترین دیزلر دیدی
ایوای علی ایوای
بیر طرفده نوگل یاس
ایلدی هجرانی احساس
باشینی دیواره ویردی
غیرتینن اؤلدی عباس
او گل پرپر دیدی
ایوای علی ایوای
- سه شنبه
- 4
- تیر
- 1398
- ساعت
- 12:35
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه