عالم گلوب فغانه
مولا علی وئرور جان
دللر دونوبدی قانه
مولا علی وئرور جان
گیمیش قرا پیمبر
گریاندی آل حیدر
بیلمم نه حاله قالموش اول معدن شجاعت
رنگ رخ او مولا اعلان ائدور شهادت
سولموش گل ولایت ایستور ئوله عدالت
دین اوسته عاشقانه مولا علی وئرور جان
بیر نابکار و نامرد یاره ووروب او شاهه
چخمش نوای شیعه واللهی مهر و ماهه
ایتام ایچینده بیر باخ هر دم فغان و آهه
غملر وورور جوانه مولا علی وئرور جان
شاهین دگوبدی یاره فرق مبارکیندن
ظاکردی لیک او مولا حیّ تبارکیندن
اطرافینی نوازش ایلوردی تک تکیندن
بو خلقته یگانه مولا علی وئرور جان
قانه باتوبدی مولا عدل و عدالت اوسته
محرابه آخدی قانی دین ویدانت اوسته
جاندان گئچوب جهاندا حق و حقیقت اوسته
غوغا دوشوب جهانه مولا علی وئرور جان
دوشموش کسوفه خورشید ماهیله اختر آغلار
زینب دینده ایوای روح پیمبر آغلار
بو غمده اهل معنا واللهی یکسر آغلار
غم چاتدی آسمانه مولا علی وئرور جان
باد خزان سراغ باغ ولایه گلموش
معناده ختم مرسل آه و نوایه گلموش
قاره گیوب بو غمده زهرا عزایه گلموش
شیعه گلوبدی جانه مولا علی وئرور جان
قرآنه ناطق ای وای سبحانه عاشق ای وای
مولای لایق ای وای وای عبد خالق ای وای
دین خدا باغیندا ای وای شقایق ای وای
گریاندی اهل خانه مولا علی وئرور جان
- سه شنبه
- 4
- تیر
- 1398
- ساعت
- 12:41
- نوشته شده توسط
- ابوالفضل عابدی پور
- شاعر:
-
رضوی زنجانی
ارسال دیدگاه